Ҫвятуй Троица кунӗнче Сителсем ҫулсеренех пулӑҫсен ӑмӑртӑвне ирттереҫҫӗ.
Икӗ магазин хушшинчи кӳлӗ хӗррине халӑх кӑҫал та йышлӑн пухӑнчӗ. Ваттм те вӗтти те пулӑ тытма тӗллев лартнӑ.
Ҫак ӑмӑртӑва ял хастарӗсем тӑрӑшнипе йӗркелеҫҫӗ. Хӑйсемех парнисене хатӗрлеҫҫӗ.
Ҫӗнтерӳҫӗсене ҫакӑн пек номинацисемпе хакларӗҫ. Ҫапла вара хӗрӳ ӑмӑртура "Чи пӗрремӗш пулӑ тытакан" ята Полина Матюшкина тивӗҫрӗ. Чи нумай пулӑ тытаканни хӗрсен хушшинче Раиса Тукмакова, арҫынсен хушшинче Николай Вазенков пулчӗ. Чи аслӑ пулӑҫ 84 ҫулхи Павлов Павел. Чи пысӑк пулла вара Дмитрий Васильев алӑран вӗҫертмерӗ.
Пулӑҫене уяв ячӗпе ял старости Юрий Степанов саламларӗ. Малашне те ҫак ырӑ йӑлана аталантарса пырас кӑмӑллӑ пулнине пӗлтерчӗ. Ӑмӑртӑва хутшӑнакансене тав турӗ.
Присоединяйтесь к ОК, чтобы подписаться на группу и комментировать публикации.
Комментарии 5