ХУШ ОМАДЕД БА НОҲИЯИ ШАҲРИНАВ

ЧУЗИИ БОСТОН: ШАҲРЕ ЗЕРИ ХОК…

Моро зарур аст, ки ёдгориҳои таърихии худро ҳифз кунем, обод гардонем ва ба онҳо ҳамчун ҷузъи таркибии сарнавишти миллати куҳанбунёдамон муносибат намоем. Эмомалӣ Раҳмон Аз манбаъҳои таърихӣ бармеояд, ки дар гӯшаву канори Ҷумҳурии Тоҷикистон ёдгориҳои таърихӣ зиёданд. Аз ҷумла, шаҳри бостонии Чузӣ дар манобеи таърихӣ, монанди «Баҳру-л-асрор фи маноқиби-л-ахёр» (асри 17), «Туҳфату-л-хонӣ» (асри 18) ҳамчун шаҳр ва қасаба ёд шуда, муаллифи «Бобурнома» (асрҳои 14-15) бошад, аз марғзори Чузӣ ёд карда менависад, ки «аз он ҷо то Ҳисор як-ду фарсах масоҳат аст». Қасаба ё шаҳри бостонии Чузӣ аз соли 1935 то соли 2013 ҳамчун ҷамоати Чузӣ арзи ҳастӣ кардааст. Дар ноҳияи Шаҳринав зиёда аз 30 адад ёдгории таърихӣ мавҷуд аст, ки на ҳамаи онҳо бо шаҳодатномаҳои лозимӣ таъмин карда шудаанд. Барои маълумоти бештар ёфтан дар мавриди ёдгориҳои таърихии ноҳияи Шаҳринав бо директори Муассисаи давлатии ҷумҳуриявии «Мамнуъгоҳи таърихӣ-фарҳангии Ҳисор» Ҷобиров Зикрулло мусоҳибае анҷом додем.