საქართველო და სამეზობლო

ოპოზიციის შეცვლილი მიდგომა

პარლამენტის თავმჯდომარე შალვა პაპუაშვილმა დღეს გამართულ ბრიფინგზე რუსეთისადმი ოპოზიციის უეცრად შეცვლილ დამოკიდებულებაზე ისაუბრა.
პაპუაშვილის მთავარი გზავნილი ასეთი იყო:

სუს-ი სპეციალურ განცხადებას ავრცელებს

სახელმწიფო უსაფრთხოების სამსახურმა ოფიციალურად დაადასტურა გუშინ მედიით გავრცელებული  ინფორმაცია, რომ ბოლო დღეებში უკრაინაში მებრძოლ ქართველებს გამოკითხვებზე ტერორისტული აქტის მომზადებისა და სახელმწიფო ხელისუფლების დასამხობად შეთქმულების ფაქტზე იბარებენ.
უწყების განცხადებით, უკრაინაში მყოფი ყოფილი მაღალჩინოსნები და ყოფილი ძალოვანები ბიძინა ივანიშვილის მკვლელობას ამზადებდნენ და აფინანსებდნენ.როგორც სუს-ი აკონკრეტებს, ამ დანაშაულებრივი ქმედებების მიზანი - ეს ქვეყანაში არეულობის მოწყობა, ხელისუფლების დასუსტება და ძალადობრივი გზით დამხობაა.

უგულავა იმუქრება

თბილისის ყოფილმა მერმა გიგი უგულავამ „ტელეკომპანია პირველის“ ეთერში ერთი საკმაოდ მძიმე განცხადება გააკეთა.
ის ბიძინა ივანიშვილს ლიბიის პრეზიდენტის, მუამარ კადაფის ბედით დაემუქრა, რომელიც 2011 წელს მოკლეს მეამბოხეებმა.

საქართველო 9 ადგილით დაწინაურდა

ქვეყნის ბიუჯეტის დეფიციტის მაჩვენებლით საქართველო მსოფლიოს ქვეყნებს შორის 108-ე ადგილზეა.
განმარტება: როდესაც ქვეყნის ბიუჯეტში ხარჯები უფრო მეტია, ვიდრე შემოსავლები, ბიუჯეტი ამ დროს დეფიციტურია და ხარჯების დასაფარავად მთავრობა ფულს სესხულობს.
გამომდინარე იქიდან, რომ დეფიციტი ქვეყნის სახელმწიფო ვალსაც ზრდის და სხვა მაკროეკონომიკურ პრობლემებსაც იწვევს, მისი არსებობა არასასურველია.
საერთაშორისო სავალუტო ფონდის (სსფ) მიერ 2024 წლის აპრილში გამოქვეყნებული მონაცემებით, ბიუჯეტის დეფიციტის მიხედვით საქართველო 187 ქვეყანას შორის 108-ე ადგილზეა.
შარშან საქართველო რეიტინგში 99-ე ადგილზე იყო, ანუ წელს ქვეყნის პოზიცია 9 საფეხურით გაუმჯობესდა.

რა ხდება სამეზობლოში

მთლიანი შიდა პროდუქტის მიმართ ბიუჯეტის დეფიციტის მიხედვით ჩვენს სამეზობლოში ვითარება ასეთია:

• ყველაზე მაღალი დეფიციტი აქვს თურქეთს -5.4%-ით.
• შემდეგ მოდის სომხეთი -4.6%-ით.
• რუსეთი ბიუჯეტის დეფიციტი -1.9%-ია.
• აზერბაიჯანისა კი -1.1%.

აღსანიშნავია, რომ წელს მსოფლიოში 32 ისეთი ქვეყანა დაფიქსირდა, რომლებსაც ბიუჯეტის დეფიციტი საერთოდ არ აქვთ. ანუ მათ მთავრობებს შემოსავალი უფრო მეტი აქვთ, ვიდრე ხარჯები.
ამ მხრივ პირველ ადგილზეა ქუვეითი (+ 27%), მეორეზე - ნორვეგია (+15%), მესამეზე - ნაურუ (+14%).

ჰარისმა ტრამპს გაუსწრო

ახალმა გამოკითხვამ, რომელიც Reuters/Ipsos-მა ჩაატარა, აჩვენა, რომ კამალა ჰარისი დონალდ ტრამპს მცირე უპირატესობით უსწრებს.
კვლევით, რომელიც 21-22 ივლისს ჩატარდა (ანუ მას შემდეგ, რაც ჯო ბაიდენმა საპრეზიდენტო არჩევნებიდან თავისი კანდიდატურა მოხსნა), გაირკვა, რომ ჰარისს გამოკითხულთა 44% უჭერს მხარს, ტრამპს - 42%.
აღსანიშნავია, რომ გამოკითხვაში 1241 ზრდასრული ამერიკელი, მათ შორის 1018 რეგისტრირებული ამომრჩეველი მონაწილეობდა. ცდომილების ზღვარი +/-3%-ია.

ნაყინის ფურგონმა ბავშვები გაიტანა

29 ბავშვი და მოზარდი (9-დან 16 წლამდე ასაკისა) დაშავდა უბედური შემთხვევის შედეგად, რომელიც ყირგიზეთში მოხდა.
როგორც ირკვევა, სკოლის მოსწავლეები ღონისძიებას ატარებდნენ, რა დროსაც ნაყინის ფურგონი დაგორდა (მძღოლს ხელის მუხრუჭის ამოწევა დავიწყებია) და პირდაპირ ბავშვებში გაიარა.
18 ბავშვი საავადმყოფოშია გადაყვანილი. შვიდი მათგანი რეანიმაციაშია, სამი - მძიმე მდგომარეობაშია, ხოლო 11-ს ამბოლატორიული დახმარება გაეწია.

ასაკი - 14 საუკუნე!!!

ახალქალაქის სოფელ აგანაში მე-10 საუკუნის წარწერა აღმოაჩინეს, რომელიც ქვის ფილაზეა დატანილი და რომელშიც ბაგრატ III კურაპალატია მოხსენიებული.
ბაგრატ III ბაგრატიონი - გაერთიანებული ფეოდალური საქართველოს პირველი მეფე 975–1014 წლებში.
ბაგრატი იყო ქართველთა მეფეთ-მეფე გურგენის შვილი, ეგრის-აფხაზეთის უშვილო მეფე თეოდოსის დისწული და ტაოს მეფე დავით III კურაპალატის შვილობილი.
ბაგრატ III–მ პირველმა მიიღო „აფხაზთა და ქართველთა მეფის" ტიტული.
მისი სრული ტიტულატურა იყო „მეფე აფხაზთა, ქართველთა, რანთა და კახთა, კურაპალატი".
ბაგრატ III-ის მეფობის პერიოდში აიგო არაერთი არქიტექტურული შედევრი. მათ შორის, ბაგრატის ტაძარი ქუთაისში, ნიკორწმინდის ტაძარი და ბედიის მონასტერი.
სწორედ ბედიის მონასტერში დაკრძალეს ბაგრატი 1014 წელს. ტაძრის კედლებზე კი მისი ფრესკა დაიტანეს.
სამწუხაროდ, 2012 წელს, ოჩამჩირეში მდებარე ბედიის მონასტერში ბაგრატ III კურაპალატის ფრესკაც წაშალეს, ქართული ორნამენტებიცა და წარწერებიც.

პოლიციამ მოძალადე დააკავა

აჭარის პოლიციამ დააკავა მამაკაცი, რომელმაც გუშინ ქედის რაიონში მცხოვრებ შშმ პირზე, 35 წლის ქალზე იძალადა - სვემა და გააუპატიურა.
როგორც ირკვევა, ეს 1994 წელს დაბადებული (30 წლის), წარსულში ნასამართლევი ჯ.გ.-ა, რომელსაც ახლა 10-დან 13 წლამდე პატიმრობა ელოდება.
შეგახსენებთ: ეს საზარელი შემთხვევა ქედაში სამი დღის წინ მოხდა. როგორც ამბობენ, მოძალადე კაცი დაზარალებულის ოჯახში სტუმრად დადიოდა ხოლმე და ამ ჯერზეც თავისუფლად მისულა. სამწუხაროდ, მსხვერპლი ქალი შინ მარტო ყოფილა და წინააღმდეგობა ვერ გაუწია კაცს.
სატიკად ნაცემ ქალს რამდენიმე ოპერაცია ჩაუტარდა. ამ დროისათვის მისი მდგომარეობა კვლავ მძიმეა.

ივანიშვილზე ტერაქტი იგეგმებოდა

სუს-ში გამოკითხვაზე დაბარებულმა, აფხაზეთისა და აგვისტოს ომების ვეტერანმა გელა კახაბრიშვილმა და მისმა ადვოკატმა ოთხდღიანი დუმილი დაარღვიეს და ხმამაღლა თქვეს, რას უკავშირდება ბოლო დღეებში რამდენიმე ადამიანის სახელმწიფო უშიშროების სამსახურში დაბარება.
კახაბრიშვილისა და მისი ადვოკატის, მიხეილ რამიშვილის თქმით, სუს-ი ბიძინა ივანიშვილის მიმართ ტერორისტული აქტის საქმეს იძიებს.
თუმცა, როგორც ისინი ამბობენ, მართალია, ტერაქტის მთავარი სამიზნე ივანიშვილი უნდა ყოფილიყო, მაგრამ თავდასხმა „ქართული ოცნების“ სხვა მაღალჩინოსნებზეც იგეგმებოდა.