Ты нам сонейка свяці, ад маркоты прабудзі!
Забяры ад нас хваробы, дабрабыт дай хлебаробам.
Каб ўсе вёскі аднаулялісь, каб там дзеткі нараджалісь,
Каб не зносілі там хаты, на гісторыю багаты!
Калі ў сэрца зазірні - гэта ж нашы карані!
Там жылі і там аралі, нараджалісь, паміралі ,
І вяселля тут гулялі, святы розныя спраўлялі.
Рвалі лён, бульбу капалі і ў армію праваджалі,
Цалавалі, абдымалі, дачакацца абяцалі!
Статкі добрыя трымалі, на раніцу выганялі,
Па чарзе паслі “калейку”, пажывалі памаленьку.
Можа, сонейка, ты зможаш, добрым людзям дапаможаш?
Як не зможаш аднаўляць - абяцай нам захаваць
Усе традыцыі і звычкі нашых вёсак невялічкіх.
Навасады, Кавалі, Шчытна, Верчыцы, Каплі,
Варанілавічы, Воля, Даўкі, Паўлава, Заполле,
І Малочкі, і Куляны, хай далучацца Ружаны.
І Бярэзніца, Блізная, Зеляневічы, Шпакі ,
Загалічы запрашаю, Таўцвілы, яшчэ Буцькі!
Вёскі ўсе не пералічыш, ад душы ўсім я зычу:
“Каб здаровы былі дзеці, каб на ўсім на белым свеце
Людзі мірна пражывалі, разумелі, прабачалі!”
Каб ўсяму гэтаму збыцца - трэба захаваць традыцыі
Нашых вёсачак маўклівых, летуценных - сэрцу мілых!
Присоединяйтесь к ОК, чтобы подписаться на группу и комментировать публикации.
Нет комментариев