Яъни жамият аъзолари аввал футбол фанатига айлантирилади. Бу биринчи босқич. Иккинчи босқич - "фиеста" - жамият аъзоларини фақат кўнгилхушликка, изтироб чекмасдан, фақат ўйин-кулгуга ўргатиш. Учинчи "Ф" - фаҳш. Ўша даражага етгандан кейин, учинчи босқичдаги (русларда "контрольный выстрел"ибораси бор, яъни бировнинг ўлганига амин бўлиш учун пешонасига отиш) "якуний ўқ" - ФАҲШдир.
• Номуссизлик нормалга айлантириляпти.
• Лафссизлик нормалга айлантириляпти.
Бугун жамиятда "Фиеста" босқичи бошланди. Радиоканалларга қўйинг - фақат ўйин-кулги. Телеканалларимизда қимор ўйинлари бошланди, баъзи каналларимизда. "Ман сизга бунча бераман, унча бераман."
Фиестада яна битта нарса бор: "потребительское общество", яъни "истеъмолчилар жамияти"га айлантириш. Фақатгина истеъмол қилишга, фақатгина бойликка, фақатгина пулга қизиқишни уйғотиш тарафиям бор. Кўрсатувларда, ток-шоуларда қаранг. Моддий, яъни истеъмолчилик жамиятини шакллантиришга хизмат қилиб қоляпти. Шунақа кўрсатувлар пайдо бўляпти. Булар инсонни даҳшатга туширади, агар таг-замирида, нима моҳият ётганини бир ўйлаб кўрсак.
• Ўзбекдан номусга муносабатини олиб қўйинг.
• Ўзбекдан ижтимоий масъуллигини олиб қўйинг. Бефарқ қилиб қўйинг.
• Ўзбекнинг эркакларини рашк қилмайдиган қилиб қўйинг.
• Ўзбекни муқаддас нарсалари устидан ҳазил-мутойиба, аския қиладиган қилиб қўйинг.
Ўзбекдан нима қолади? Аёлини рашк қилмаган, қизини рашк қилмаган, сўзида турмаган, фақат ўйин-кулгига меҳр қўйган, интернетни очиб фақат приколларни томоша қиладиган, бир-бирига уятсиз латифалар айтишга одатланиб қолган бир ўзбекни тасаввур қилинг. Давлат олдида ҳам, миллат олдида ҳам, Худо олдида ҳам оммавий ахборот воситалари бу миллатга, ҳар бир инсонга кўрсатаётган руҳий таъсири учун масъуллигини бўйнига олиши шарт...
...Нега бизнинг ўйин-кулги каналларимиз кўпайяптию, ҳужжатли фильм каналларимиз пайдо бўлмаяпти? Сабаб битта: Медиа-бизнес деган нарса пайдо бўлди. Албатта, медиа-бизнес керак. Аммо медиа-бизнес бу халқ руҳиятига қанақа таъсир қиляпти?..
...Бу нарса нимани келтириб чиқаради, биласизми? Фақирликни келтириб чиқаради. Қанақа фақирликни келтириб чиқаради? ДАҲШАТЛИ ФАҚИРЛИКНИ. ТЎҚ, АММО ФАҚИР! БОЙ, АММО ФАҚИР! Қанақа фақир? Маънавий фақир. Аслида, энг ёмони мана шу фақирликдир.
Фақирлик ўзи нима биласизми?
• Фақирлик - жавонларга териб қўйилган, аммо бирор марта ўқилмаган китоблар;
• фақирлик - ҳашаматнинг тобутида ўлаётган юраклар;
• фақирлик - бу қилинган адолатсизлик;
• фақирлик - бу берилмаган тарбия;
• фақирлик -автомобилнинг ойнасидан кўчага ахлат ташаш...
Оммавий ахборот воситаларига менинг ўтинчим, илтимосим: бу миллатни фақирга айлантирманг! Фақирлашишига хизмат қилманг!
Сўзимнинг охирида Маҳмуд Ғаззолийнинг битта гапини келтираман:
"Хоин бўлишинг учун хиёнат қилишинг шарт эмас. Ахмоқ бўлишингнинг ўзи етарлидир!"
© Саид Абдулазиз Юсупов
Присоединяйтесь к ОК, чтобы подписаться на группу и комментировать публикации.
Комментарии 1