Ачсам - картлыгым килгән...,
- Керт әле яныңа,- диеп
Үтенә үзе миннән.
Ачу чыкты, нигә әле,
Ул миңа гына килгән.
- Башкалар янына бар,- дип,
Куып чыгардым өйдән.
Үпкәләми тагын үзе,
Тик китми, басып тора.
- Синең яныңа килдем,- дип,
Елмаеп сүзне бора.
- Нигә мине куасың син?
Мин синең янга килгән.
Җитте инде, чамасын бел,
Олы булырга өйрән.
Чамалап әйт сүзләреңне,
Кош түгел, тотып булмас.
Йөгереп йөрү җитәр сиңа,
Әкрен атлап җиргә бас.
Яшь чакларың үтте инде,
Һаман дөнья куасың.
Үзең өчен кайчан гына
Син яшәмәк буласың.?!
Балаларың үстердең бит,
Утырттың күпме агач.
Өй дә салып кердең инде,
Ни җитми шулай булгач?
Инде хәзер минем белән
Яши белергә өйрән.
Яшьлегең үтте, дускаем,
Сизмисең ахры, күрәм.
Уйга калдым, чынлап ахры,
Сиздерми еллар үткән...!
Картлык бусагадан атлый,
Ә мин оныткан икән...!
Онытканмын яшьлегемнең
Бер генә икәнлеген.
Ә үземне никтер һаман,
Яшь итеп мин сизәмен.
Уйламыйм да картаюны,
Күз алдына китермим.
Элекке күк җиңел итеп,
Мин һаман йөгереп йөрим.
Оныкларың бар дисеңме?
Кемдә юк ул шаяннар!?
Алар белән уйный торгач,
Онтыла шул дөньялар.
Алар белән, киресенчә,
Яшәрә минем күңел.
Унсигездә тоям әле
Үземне һаман бүген.
Ә син, оялмыйча килдең,
Картайдың, дисең миңа.
Әйдә, чәйләр эчик әле,
Сөйләшик барсын шунда.
Башын кашып торды да бу,
Атлады минем арттан...,
Чәй ясадым, табын җәйдем,
Киттек сөйләшеп шуннан.
Күреп торасың, минем әле,
Исәп юк картаерга.
Әллә соң берәрсе белән
Алмашыйкмы бер азга...!
Синең бәлки кандидатлар
Бардыр уйлап карасаң.
Кемдер иртә картайгандыр,
Бардыр дөньядан туйган.
Әйдә, мине сыздырып куй,
Алып ат бу дәфтәрдән.
Вакыт җиткәч, үзем сизгәч,
Эндәшермен янәдән.
Анда инде карышмамын,
Тыңлармын синең сүзне.
Ә әлегә иртә, дустым,
Гафу ит инде мине.
- Ярар, диде, күреп торам,
Ашыкканмын ахрысы.
Кире кайткач сорасалар,
Юк диярмен адресы...!
Яшә дустым, бик ошадың
Син минем күңелләргә!
Яшә, шатлан, нык атлап йөр!
Үрнәк бул бүтәннәргә!
Икәүләшеп чәйләр эчкәч,
Озаттым мин кунакны.
Иртә әле, дуслар, безгә,
Якынайтмыйк картлыкны.
Килсен картлык, тик соңырак,
Сиксән-туксаннар тулгач.
Картаелды ахры, диеп,
Үзең әйтерлек булгач!!!
Присоединяйтесь к ОК, чтобы посмотреть больше фото, видео и найти новых друзей.
Нет комментариев