Лабелія Дортмана - рэлітавая расліна, якая захавалася з часоў міжледніковага перыяду. Кветка названа ў гонар шатландскага батаніка -натураліста, які сярод рэдкіх раслін свету знайшоў і адкрыў яе . У Беларусі расце толькі ў возеры Свіцязь , што ў Гродненскай вобласці, і ў возеры Белым нашай Лунінеччыны.
Калі будзеце на Белым возеры, то ў прыбярэжнай зоне на светлым пясчаным дне на глыбіні 80 -100 сантыметраў убачыце расліну з лінейным лісцем, поўнасцю паглыбленым у вадзе. Кветканосы лабеліі ўзвышаюцца нізка над вадой. Кветкі -- званочкі, на паніклых кветканожках з блакітна-белым вяночкам. Тыя кветкі, што глыбей, не раскрываючыся, цвітуць у вадзе. Усе цвяткі самаапыляючыеся.
Лабелія Дортмана ўяўляе навуковую каштоўнасць як адзін з характэрных элементаў рэліктавага фларыстычнага комплексу. Яна занесена ў Чырвоную кнігу, знаходзіцца пад пагрозай знікнення і належыць поўнай ахове. Дзеля яе створаны ландшафны заказнік "Белае возера".
Кветка з'яўляецца сімвалам нашага раёна. У гербе Лунінеччыны яна займае ганаровае месца.
Присоединяйтесь к ОК, чтобы посмотреть больше фото, видео и найти новых друзей.
Комментарии 6