ЗОРЫ ЦАЛУЮЦЦА
Кароткая чэрвеньская ноч. Толькі што звечарэла, а ўжо глядзіш - блізіцца пад поўнач; а зара, што пасля захаду сонца шырылася на паўнеба, звузілася, але не патухла.
Неба хоць і высеяла рэдкія зоры, не счарнела, а толькі набыло сталёва-шэры ці матавы колер, бо водсвет той нешырокай ружовай паласы не даваў згусціцца змроку. Таму навакольныя будынкі і прадметы, дрэвы і кусты не згубіліся ў цемнаце, іх абрысы выразна выдзяляліся на фоне таго заравага водсвету.
Праз кароткі прамежак часу ў прыродзе нясмела світае, усё больш адрознена выразным становіцца наваколле, нават кожная травінка набывае сваё аблічча. А на небе ўжо з'яўляюцца прыметныя штрыхі ранішняй зары. Шырэй і шырэй зараніца залівае ўсход неба. Адна зара змяніла другую - пра такі час людзі кажуць: Зоры цалуюцца", - новы дзень прымае эстафету ад учарашняга.
ПАВУКОЎ ПАРАСОНІК
Толькі што прайшоў дождж. З дрэў яшчэ капае. Дол мокры.
Каля самай дарогі - вялікая сыраежка. Яна таксама мокрая. А пад сыраежкай павучок заснаваў сваю сетачку, сядзіць. Там суха. Такое ўражанне, што ён, адчуваючы дождж, знарок зрабіў схованку, выкарыстаўшы грыб за парасонік.
Слоўнік: парасон - зонтик
Присоединяйтесь к ОК, чтобы посмотреть больше фото, видео и найти новых друзей.
Комментарии 7