Җәяү генә, басу юлыннан.
Әйтерсең лә балачагым атлый,
Янәшәмнән тотып кулымнан...
Тук башаклы чиксез иген кыры,
Кайда бакма, шунда каенлык.
Балачакта шушы каенлыкка
Без урмандай күреп табындык.
Җиләген дә җыйдык, гөмбәсен дә,
Шалашлар да кордык эчендә,
Рәхәт чаклар, бер кайгысыз көннәр
Сагындырып керә төшемә.
Әби патша юлы... таныш күпер,
Җир астыннан юлы һаман исән.
Сагыш түгел, соклануым булыр,
Башларымны сиңа түбән исәм...
Изге җирләр, бу бит Торна иле...
Әби- бабаларның нигез ташы...
Ерак түгел данлы чишмә ага -
Өчиленең бәллүр йөзек кашы.
Казансуым, минем сөйгән елгам,
Балачакта иңләп-буйлап йөзгән.
Без коенган ул урыннар хәзер
Минем өчен булыр иде тездән.
Хәзер менә синең суларыңнан
Хасил булган зур, соклангыч бөя.
Горурланам киң сулыгың белән,
Казансуым минем, дия-дия...
Уйнап үскән болынлыкка җитәм,
Бераз ары Карлыганлы елгам.
Бу елганы безгә бүләк итеп
Бар иттереп Аллаһ үзе уйган.
Урамыма керәм...нигез ятим,
Кичер мине, кайда ялгыштым?
Йөрәкләрдә бер үкенеч калды,
Зур сынавы булып язмышның...
Әти-әни йорты, туган авыл,
Каршы алды җәеп кочагын.
Сездән башкан дөрли алмас кебек,
Ялкынланып яшәү учагым.
Җәяү генә таныш сукмаклардан
Кайттып киләм, әнкәй, каршыла.
Әткәй- әнкәй тигез, авыл гөрли,
Рәхмәт Раббым, барсы-барсына!
Гөлара Шәрипова
Присоединяйтесь к ОК, чтобы посмотреть больше фото, видео и найти новых друзей.
Нет комментариев