Жаннат калити. Кеча бомдодга яқин, Ғалати туш кўрибман. Тушунмадим ўзим ҳам, Тушумда мен ўлибман. Олдимда фақат бир йўл, Узоқ юрдим йўлимдан. Кейин икки фаришта, Тортиб кетти қўлимдан. Минг бир машаққат билан, Манзилга етиб келдим. Не кўз билан кўрайки, Жаннат олдида эдим. Эшик ортида Жаннат, Бироқ эшик қулуф эди. Келиб жаннат соқчиси, Калитинг борми деди? Қандай калит сўрадим, Намозинг борми деди? Бундай ўйлаб қарадим, Калит менда йўқ эди. Дахшат ичида қолдим, Ахир бенамоз бордим. Бенамоз ўтти умрим, Жаннатдан қуруқ қолдим. Сўнг азон овозидан, Бирдан чўчиб уйғондим. Ўзимга келолмасдан, Анчагача тўлғондим. Сўнг тушимнинг таъбирин, Чуқур тушуниб еттим. Аста туриб ўрнимдан, Калитни излаб кеттим.
Присоединяйтесь к ОК, чтобы посмотреть больше фото, видео и найти новых друзей.
Нет комментариев