Он яке зоҳид шунид аз Мустафо,
Ки яқин ояд ба ҷон ризқ аз Худо.
Гар бихоҳӣ, вар нахоҳӣ, ризқи ту,
Пеши ту ояд давон аз ишқи ту.
Аз барои имтиҳон он мард рафт,
Дар биебон назди кӯҳе хуфт, афт.
Ки бубинам ризқ меояд ба ман?
То қавӣ гардад маро дар ризқ занн.
Корвоне роҳ гум карду кашид,
Сӯи кӯҳ он мунтаҳинро хуфта дид.
Гуфт, ин мард ин тараф чун ҳаст ур,
Дар биебон аз раҳу аз шаҳр дур.
Эй аҷаб, мурдаст, е зиндаст, ки ӯ?
Менаметарсад ҳеҷ аз гургу адӯ?
Омаданду даст бар вай мезаданд,
Қосидан чизе нагуфт он арҷманд.
Ҳам наҷунбиду наҷунбонид сар,
Во накард аз имтиҳон ӯ ҳам басар.
Пас бигуфтанд ин заьифи бемурод,
Аз маҷоьат сактаь андар фитод.
Нон биеварданду дар деги таьом,
То бирезандаш ба ҳулқуму ба ком.
Пас ба қосид мард дандон сахт кард,
То бубинад сидқ он ниҳодмард.
Раҳмашон омад, ки ин бас бенавост,
В-аз маҷоьат ҳолики маргу фаност.
Корд оварданду қап иштофтанд,
Баста дандонҳош бишкофтанд.
Рехтанд андар даҳонаш шурбо,
Мефушурданд андарун нонпораҳо.
Гуфт, эй дил гарчӣ худ тан мезанӣ?
Роз медониву нозе мекунӣ?
Гуфт дил, донам ва қосид мекунам,
Розиқ Аллоҳ ҳаст бар ҷону танам.
Имтиҳон з-ин бештар худ чун бувад,
Ризқ сӯи собирон хуш меравад.!
Аз Маснавии Маьнавӣ Мавлавӣ
Луғатҳо
Хуфт, афт-яьне афтиду хобид
Занн-исботи ин ҳақиқат,
Мунтаҳин-танҳо
Ур-урьен, ин ҷо ба маьнои бекас, тоқа
Адӯ - душман
Қосид-қасдан
Басар - дида, чашмон(басир)
Маҷоьат - гуруснагӣ
Сақтаь-беҳуш, бемадор,
Ҳолик-наздики ҳалокат
Сидқ - содиқ, аз таҳти дил
Ниҳодмард - ниҳод - қалб, ният, яьне марде, ки нияти имтиҳони он гуфтор кард
Қап - баста,
Иштофтан-кушиш ба кушодан
Собир-сабру таҳаммулу тоқат,
Присоединяйтесь к ОК, чтобы посмотреть больше фото, видео и найти новых друзей.
Нет комментариев