Полған на сӧбіреде Илбек Адалығ чаада араласхан кізілер пар.
Пабамның 3 харындазы чаада араласхан тіп, чоохтапча филология наукаларының докторы Алена Николаевна Чугунекова. Аның пабазы Николай Еремеевич Чугунеков сӧбіреде иң кічии полған. Илбек Адалығ чааға аның 3 улуғ харындазы тартылтыр. 1ди пу чаада Роман Еремеевич ізі чох чіт партыр. Аның алнында ол финскай чаада араласханох полтыр. Паза харындазы Аксан Еремеевич чааға тартылтырох. Анда чааласчадып, пленге кір партыр. 1ди пленде ол 1942 чылдаң сығара 1945 чылға теере пол салтыр. Андартын 2 хати тизерге кӱстентір.
Пабамның харындазы Аксан Еремеевич пленде полған ӱчӱн, аны пос чирінде хыйыхтаҷаңнар тіп, таныхтапча Алена Николаевна. Анаң соонаң на,ол ӱреенде, пір чыл пазынаң аның туразының тастында хызыл чылтыс танығны хаптыр салғаннар. 1ди аны улуғлап пастааннар тіп, чоохтапча Алена Николаевна. Аның пабазының харындастары чааға Асхыс аймаандағы Чоғархы Асхыс аалдаң тартылтырлар.
Паза Илбек Адалығ чаада пабамның 3-ҷі харындазы Ефим Еремеевич Чугунеков араласхан. Хомзынысха, чаа соонаң ол Хыдаттағы Маньчжурия городта 1945 чылда 20 августта атырт салча.
Піди 3 харындазы чаада араласхан учун, пабамны Чиң1с кӱнінің пайрамнығ чылларында алғыстаҷаңнар. Пабамаа ,Николай Еремеевичке, пайрамнығ медальлар читірілҷең. Пола-пола пабамны чаада араласханнарнаң хада тиңни санап салғаннар. Ағаа чаа ветеранының удостоверениезі пиріл парған тіп, чоохтапча Алена Николаевна.#ХакасРадио
Присоединяйтесь к ОК, чтобы посмотреть больше фото, видео и найти новых друзей.
Нет комментариев