Предыдущая публикация
Ҷаҳон дар қасди ҷони тоҷикон будаст, донистам,
Замон девона мисли толибон будаст, донистам.
Фурӯтан сархаму беқадр, дасти муттаҳам боло,
Далели амният тиру камон будаст, донистам.
Гирифта домане оташ, ҳама олам тамошобин,
Дар ин охир адолат нотавон будаст, донистам.
Ба ҳар сӯ рӯ намудам, хасмҳоро дар камин дидам,
Дурӯғу фитна расми нокасон будаст, донистам.
Барои ҳифзи нангу ном як дар сангаре танҳо,
Дигар мардум ҳама дар бими ҷон будаст, донистам.
Кунун “нармию тоҷикӣ” намеояд ба кор, эй дӯст,
Ки вақти Коваи оҳангарон будаст, донистам. ✍ Парвиз Охунов.
Присоединяйтесь к ОК, чтобы посмотреть больше фото, видео и найти новых друзей.
Нет комментариев