﷽
🌙🌿🌙🌿🌙🌿🌿🌙
Бисмилләәhир-рахмәәнир-рахииим.
🕌🌹"Әлхәмдү лиЛләәһи Раббил-гәәләмииин. Үәс-саләәтү үәс-сәләәмү гәләә расүүлинә Мүхәммәдин үә гәләә әәлиһи үә әсхабиһи әҗмәгыйн."🕌🌹
Йә, Раббым, балаларыбыз тәкъва мөселманнардан, хәерле мөселманнардан, Үзең яраткан бәндәләрдән булсалар иде. Үзләре сау – сәламәт, күңелләре саф, йөзләре нурлы, диннәре дөрес, иманнары көчле булса иде.
Йә, Раббым, Үзеңә итагать итүчеләрдән, гыйбадәт кылучылардан, фарыз һәм сөннәт гамәлләрен үтәүчеләрдән, гыйбрәт алучылардан, канәгать булучылардан, нигъмәтләреңнең кадерен белүчеләрдән, күп зикер кылучылардан булсалар иде.
Йә, Раббым, аларга тәүфыйк, һидаять, зирәк акыл, гыйлем бир. Ислам динен куатләүче, оятны белүче, әхлаклы, әдәпле, тәрбияле, намуслы, тырыш, максатчан, эчкерсез, юмарт, тыйнак, гадел, эшчән, уңган булсалар иде.
Укуларында ачык зиһен, тел байлыгы, тел ачкычлары бир. Укытучыларына, остазларына, иптәшләренә, барча кешеләргә күркәм итеп, сөйкемле итеп күрсәт. Эчке күңелләре, тышкы кыяфәтләре һәрвакыт күркәм булса иде.
Йә, Раббым, әти – әниләрен, олыларны хөрмәт итеп, кечеләргә шәфкатьле, мәрхәмәтле, кешеләргә игелекле, ярдәмчел булсыннар.
Чисталыкны, пакълекне яратсыннар, сафлыкка омтылсыннар.
Йә, Раббым, кайгы – хәсрәт китермәсеннәр, күз яшьләре түктермәсеннәр.
Балаларыбызга хәерле хәләл кәсепләр, хәләл сөт имгән, хәләл ризык белән ризыкланган иманлы хәерле парларын насыйп ит, салих вә тәкъва бәндәләреңә дус ит.
Балаларыбыз безнең йөз аклыгы булса иде.
Аларга хәерле озын гомер бир, Раббым.
Аларның куанычларын күреп, шатлык – сөенечләр белән яшәргә насыйп ит әмиин!
Бисмилләһир-Рахмааниир-Рахиииим."
"Ләә иләәһә иллә әңтә йәә хәннәән йә мәннәән йәә бәдигъас-сәмәәүәәти үәл-әрдъ йәә Зәл-Дҗәләәли үәл-икраам".
Мәгънәсе:
"Синнән гайре илаһ юк! И кызганучы Аллаһым! И киң рәхмәтле Аллаһым!
И күкләр белән җирне Иҗат итүче!
И кодрәт вә хөрмәт иясе булучы Аллаһы Тәгаләм!"
.............
(шушы мөбарәк дога белән берәр нәрсә сораганда сора)
✨🌸✨🌸✨🌸✨🌸
✒ Бу доганы барлык танышларыгызга Аллаһ ризалыгы өчен таратыгыз, чөнки Пәйгамбәребез ( салАллаhу галәйhи вәсалләм) әйткән: "Кем яхшы гамэл эшләргә өйрәтеп калдыра, аңа шул эш өчен, бу гамәлне кылучыга килгән әжер-савап килеп торыр". (Мөслим, 3509)
Присоединяйтесь к ОК, чтобы посмотреть больше фото, видео и найти новых друзей.
Нет комментариев