Онтылган дисеңме үткәннәр,
үзләтеп маңгайдан үпкәннәр,
Юлларга чәчкәләр сипкәннәр,
кулга - кул җәяүләп үткәннәр:
Гомернең агышын сүткәннәр,
шәфәкъның алсуын көткәннәр,
Җилләрдә сачләрем таратып-
мәхәббәт яшьләрем түккәннәр...
Көткәннәр... узганмы заяга-
холыклар әйләнеп чаяга-
Калганнар нәүмизлек чигендә,
чигенмә, бүген дә чигенмә:
Сүрелмәс ялкынлы учаклар-
иң кайнар ләззәтле кочаклар,
Язмышның үрсәле ярлары-
киләчәк көзләре - язлары...
Онтылмас... мәңгедә исләрдән,
мәхәббәт ялкында исәргән:
Күгелҗем зәңгәрсу кичләре-
Күңелнең иң садә хисләре:
Бүгендә киләчәк җилкәннәр-
исәреп җилләрдән искәннәр-
Бәгырьнең иң нечкә кылларын-
бәргәләп мәңгегә кискәннәр...
Өзгәләп... телгәләп... телемләп...
Куелган хәтергә өемләп:
Таулардан кыялар чигенә,
Чигенмә күңелем, чигенмә:
Юлларга гөлләрен сипкәннәр,
Онтылыр дисеңме көткәннәр:
Иң назлы чәчкәнең таҗлары-
язмышның сүрелмәс язлары...
Яшьлекнең мәхәббәт назлары...
Миләүшә Әхмәдуллина
Күкшел 18.06.2024
Присоединяйтесь к ОК, чтобы посмотреть больше фото, видео и найти новых друзей.
Комментарии 6