Ике авыл арасында быел,
Тап булдым мин басу юлына.
Машинамнан төшеп, куш уч белән,
Юл тузанын алдым кулыма.
Бик күптәннән күргәнем юк иде
Иген аша үткән юлларны.
Арыш арасында калып үскән,
Зәңгәр-чәчәк, куксел гөлләрне.
Шушы кызу, тузанлы тар юллар,
Шундый таныш, шундый ягымлы
Ат арбасы эзе булмаса да,
Хәтерләтте бала чагымны.
Бар да элеккечә, арышлар да,
Гаскәр кебек торалар анда.
Дегет урап алган чәчәкләре,
Үләннәре генә юк монда.
Искә төште җиләккә барулар,
Жыяр булып савыт тулганчы.
Жыючылар бездән чыгалмагач,
Ашап кайта идек туйганчы.
Урман юлыннан соң безне көтте,
Жылы сулы авыл елгабыз.
Зәңгәрләнеп, тәннәр күшеккәнче
Чыр-чу килеп без су керәбез.
Без кайтуга әнкәй каплап куя,
Яшь бәрәңге, мендәр астына.
Безне көтеп үзе зарык булгач,
Орышып алыр иде, аз гына...
Кәүсәр
Присоединяйтесь к ОК, чтобы посмотреть больше фото, видео и найти новых друзей.
Комментарии 72
Ашап кайта идек туйганчы....
Уткен, нэфис юмор, патриотизм, Туган якны сою, барыбызга да кагылган фактлар.... Рэхмэт, Кэусэр!
Узе рэхэт ,узе кыен булып китте эле бу шигырне укыгач.
Искэ алуы рэхэт.,артка юл юк,кыен....
Берлачтан Колайга барган юлларым. Жияу йори идек. Зур рахмат язучыга.