Предыдущая публикация
Хаталарым миңа сабак булды
Тормыш йомгагымны сүткәндә.
Урын алды алар хәтеремдә,
Калмадылар бер дә үткәндә.
Ныклап уйламыйча эш иткәндә
Хаталарым җанны кыйнады.
Андый чакта акыл сүзен әйтте,
Күңел шуңа нәфрәт җыймады.
Хаталарым шатлык бирмәсә дә,
Мин алардан һич тә оялмыйм:
Ярсу йөрәгемнән ташып торган
Хисләремне чөнки тыялмыйм.
Менә тагын җиргә язлар килде,
Тирә-юньдә үлән исләре.
Йөрәгемне тагын җилкендерә
Саф һавалы авыл кичләре.
Йөрәгемнән кайнар хисләр таша,
Алмагачлар чәчәк аталар...
Котылыплар булмас бу язда да,
Булыр тагын, булыр хаталар!
Присоединяйтесь к ОК, чтобы посмотреть больше фото, видео и найти новых друзей.
Нет комментариев