Я з роднаю мовай ад самай калыскі.
Ніколі не здрадзіла ёй.
Спяваць магу песні, чытаць люблю кніжкі
На роднай, прыгожай, сваёй.
Яе мілагучнасць, пяшчота, напеўнасць
Мяне саграваюць цяплом.
Нібы ручаёк яна з вуснаў ліецца,
Чаруе сваім хараством.
Зямля беларуская ёю сагрэта.
Яе праслаўлялі не раз
Пісьменнікі нашы і нашы паэты
І ўсім нам давалі наказ.
Каб мы шанавалі яе, як матулю,
Каб песцілі і бераглі.
Каб нас, беларусаў, наўкола ўсе чулі,І з намі лічыцца маглі
Над роднаю нівай і роднаю хатай
Хай мова салоўкам гучыць.
Суседзям хай будзе сяброўкай крылатай
І ў вырай, як птушка ляціць.
Як клёкат бусліны квітнеючым маем
Хай край праслаўляе яна.
Будзь , родная наша, заўсёды жывая,
Жадаю табе я спаўна!
Ірына Сясіцкая.Студзень 2023год.
Як цудоуна... . А на самой справе, якая прыгожая родная мова! На жаль, што ею карыстаюцца не усе... Ужо у пору даваць Вам званне Народнай паэтэсы. Стольки писаных творау...
Дзякуй! Не... Я проста рыфмую свае думкі. Паэты думаюць вершамі і імі гавораць. Канечне, хочацца , каб мова наша больш гучала на культурных мерапрыемствах, каб нашы вядучыя са сцэны больш ужывалі яе. Патрэбна больш несці ў народ Роднае слова. Няхай сабе і на трасянцы, але каб мы не саромеліся мовы нашых бацькоў. Канечне, цяжка размаўляць многім на нашай літаратурнай.. Для гэтага патрэбна яе ведаць і вывучаць.
Якая прыгожая мова і як прыгожа на ей піша наша паважаная Арына , любіміца і прыхільніца роднай мовы !!! Мова - гэта найважнейшая прыкмета нацыі , беларуская мова-мова беларусаў , бо няма народа без мовы , няма мовы без яе носьбіта... Я не супраць і гучання другіх моў . аднак беларуская павінна быць дамінантнай і каб яна гучала яе трэба несці ў народ , згодна . Дзякуй за верш , ну так міла і прыгожа толькі на сваёй на роднай!!!
Дзякуй, мая Паважаная прыхільніца. Стараюся, як магу. Таксама паважаю і рускую мову, ёсць любімыя паэты і пісьменнікі.Любімыя творы. Але думаю я больш па беларуску і мару таксама. І размаўляю на нашай дыялектнай трасянцы. Не люблю калі чалавек спрабуе гаварыць на рускай мове з малым веданнем яе . У нас прыродны акцэнт.
Комментарии 11
Канечне, хочацца , каб мова наша больш гучала на культурных мерапрыемствах, каб нашы вядучыя са сцэны больш ужывалі яе. Патрэбна больш несці ў народ Роднае слова.
Няхай сабе і на трасянцы, але каб мы не саромеліся мовы нашых бацькоў.
Канечне, цяжка размаўляць многім на нашай літаратурнай.. Для гэтага патрэбна яе ведаць і вывучаць.
Не люблю калі чалавек спрабуе гаварыць на рускай мове з малым веданнем яе . У нас прыродны акцэнт.