Предыдущая публикация
ЮКТАН БАР ЯСАУ
Шундый камиллек дөньяда! —
Артык түгел, ким түгел.
Аллага ышанмасаң да,
Баш имәү мөмкин түгел! —
Җаннан җан яралдыру бу,
Җан биргәнгә җүн бирү.
Һәм рәхмәт тә өмет итмәү,
Үзалдыңа сөенү!
Юктан бар ясауның нәрсә
Икәнлеген беләм мин —
Үзем дә бит бераз гына
Алла нәселеннән мин... —
Тынлыкка музыка биргән,
Бушлыкка — чып-чын бала!
Шуңа миңа һәрбер бөре
Эч серен чишә ала. —
Бер-беребезне аңлыйбыз без,
Әйтә генә белмибез...
Тумыш өчен гүр газабы
Кичерүче бөре без!..
Ул газап сыймый сүзләргә,
Тырышма син дә, шигырь!
«Татлы тулгак» дип ялгышкан
Шагыйрьләр — ирләр шул ул!
*гүр — кабер, мәзар.
**тулгак — потуги, родовые схватки
Присоединяйтесь к ОК, чтобы посмотреть больше фото, видео и найти новых друзей.
Нет комментариев