Предыдущая публикация
Нурия ИЗМАЙЛОВА
ИСКЕЧӘ...
(Шаяру)
Кәҗүнни малга фәрештә
Канатлары тимәгән.
Кәҗүнни белән көн күргән —
Ул булыр көн күрмәгән.
Сиңа, миңа, аңа, моңа —
Шул инде кәҗүннинең!
Ходай шулай кулдан-кулга
Йөртәмени җүнлене!
Ашларыннан тамак туймый.
Мендәрендә йокы юк —
Йомшак түгел, каты түгел,
Гафу итәсез — сыек...
Вазифасын үтәмәде.
Хәрәм булсын исеме!
Исеме бар, җисеме юк —
Әллә нәрсә төсле бу! —
Кәҗүнни абзыйлар сыман —
Эшкә ярамый торган
(Акчасын чутламасаң...)
Яисә уртак мал сыман —
Эт тә яламый торган
(Эттән хуже булмасаң).
Үзгәртеп кору заманы! —
Бик тиз димәсәләр дә.
Хосусый милек була, ди,
Илдә бөтен нәрсәгә.
Һава гына уртак булып
Калачак, ди, иснәргә...
Ягъни барсы да искечә,
Ягъни бару кирегә —
Торналы күккә соклан да
Ышан тик үз өеңә.
Йокла тик үз мендәреңдә,
Хезмәт ит үз иреңә.
*кәҗүнни — 1. казённый, государственный
2. перен. разг. формальный, бюрократический
казённое имущество
**хосусый — прил. частный
хосусый милек — частная собственность
Следующая публикация
Нет комментариев