Ай нурат дар ҳукмэ гул, аз умрэ буҳор маринэс,
Аз хазонат тирамойэн вьав хабардор маринэс.
Бивафойат нистата аз та вафорэ сам ќабул,
Та мағунум аз ху ишқандэ вафодор, маринэс,
Тўт хьитэрзьэнак мадьэн, Помир осмонандэ мэст,
Аз агар бизиб вьавум мис аз му дидор маринэс.
Дойимум тухьнайэ та ишқ, дойимум биморэ та,
Лап ага хушвахт вьавэ мис, аз ху бимор маринэс.
Мум замонатэ йи хьабам амдигаррэ сат насиб,
Қисмата вай цам хьо кур, кур кирдор маринэс.
Пар ху йухькум аз ху зордь пардьатэ тарэ чу тимор,
Та пано вьавт бар Худьойат аз ху тимор маринэс.
Живҷаҷин хушруй ҷивон арго ца инҷавьэ кинор,
Аз му тухьна шавнтакэнат аз му кинор маринэс.
Сад ҷивон котайэ тайат, цондгэ ғац сухтайэ мо,
Азта та мабат напардьам, аз ху Сардор маринэс!
#СардорРахдор
Присоединяйтесь к ОК, чтобы подписаться на группу и комментировать публикации.
Нет комментариев