Хыялда үткән гомер .
Хикәя .Дәвамы .
Галия янына икенче көнне Саидка вәгьдә иткән иптәше ,
ахирәт дусты килеп ,бала тапкач кирәкле булган киңәшләрен тагын бер кабат аңлатып китте .Тик ятма янәсе ,балаңны имезергә бирә
башлаганчы ук ,имиләреңә массаж ясап ,савып сөт төшерергә тырыш .Әле бит сезнең авырлыгы да җитми
баланың .Аны да 2кило 500
граммга кадәр үстерәсегез бар ахирәтем Алла боерса .Үзең турында да уйларга кирәк .Ул
уен түгел баланы ярып алу дигән нәрсә .Кесерево диләр дә бит ,әле торып аякка баскач та берни күтәрергә ярамый ,
син инде боларны беләсең һәм
менә инде тормышта да шуның белән очырашырга туры килде .Ярар дускаем минем ,син бик борчылма инде
яме .Тормыш үзе бер эзлекле
юлын күрсәтә ул .Сабыр булып
кына тора күр зинһар .Бүген
инде үзеңне бастырдылар ,ә
кичкә сабыеңны кызыңны да
бирерләр имезергә Алла боерса ,ә хәзер җылы килеш
ашап ал .Мин иртәгә тагын килермен .Саид эштән соң гына килеп китәр инде ,аны
да эштән бүлеп булмый бит.
Хәзер акчасы да гел кирәк бит аның .Тик син борчылма гына яме ахирәткәем диеп ,дусты кайтып китте .Галиягә ул килеп
киткәч рәхәт булып калды .Әле
әнисе дә килер ,килми түзә алмас ,бердәнбер кызы бит мин аның .Ярата бит ул мине диеп әнисен дә уйлап алды .
Күңеле алдамаган Галияне .
Ахырзаман җиткәндә - кемне
әйтсәң шул йөрер диләрме әле
бу да шулай булып чыкты .Ул
җайлап кына урынына ятыйм
инде диеп караватына килгән
чакта ,артта тәрәзәгә чык итеп
берәү какты .Бу әлбәттә инде әнисе иде .Ул кызын аякта күргәч елап җибәрүеннән чак
кына тыелып калды .Менә бит
кызым сөбханалла ,Ходай Тәгалә булышлыгы белән инде аякка да баскансың Аллага
шөкер диде яшь аралаш аңа сөенүен яшерә алмыйча .Бала
ничек соң кызым ? Күрдеңме
инде ,әллә юкмы әле ?Бераз
авырлыгын җыеп ятасы булыр
диде Саид ,дөресме кызым диеп үзен кызыксындырган сорауларын тезде дә тезде ана
кеше кызына .Шулай бит инде ул ,барын да беләсе дә килә ,
оныкчыгы бит .Кызым мин сиңа анда тавык шулпасы алып килдем ,әз генә үзем кискән син ярата торган лакша
да салдым .Суытма яме балам
аша ,балаңа сөтең куе булып
күп булып төшсен .Бер ун көн
ятарсыз да чыгарсыз Алла
боерса ,чыккач үзем карарга булышырмын син борчылма гына яме ,тыныч бул диеп юатып кайтып китте әнисе дә.
Әнисәнең Яр Чаллыга эшкә
бару турындагы планнарын абыйсы бер дә уңай хәл итеп
карамады һәм Әнисәгә дә, юк
бар кирәкмәгән нәрсәләр уйлап башын катырмаска кушты .Син бер ялгызың гына
түгел ,улыңны эт типкенендә йөртергә минем рөхсәтем юк
диде ул сүзне беткәнгә санап.
Без булмаган җирдә бар да яхшы диләр сеңелем ,тик әлегә
андый җирне тапкан кешене
генә очыратканым юк диде ,
ачык итеп ,аңлаешлы итеп.
Менә сеңелем шуннан үзең нәтиҗәсен дә яса инде ,кайда
яхшы сиңа да улыңа да .Әлегә
эшең бар ,торып торырга да урының бер дигән ,улың да
яратып укып йөри мәктәпне.
Менә бераз үсә төшкәч күз күрер аннары .Бәлкем фатир
да юнәтә алырбыз .Аннары улың да яныңда булыр сеңелем ,әлегә тынычлан яме.
Бер җирдә дә эшләмәгәнгә
өеп куйган җирне ишеткән юк
әлегә .Барысы да үзеңнең тырышлыгың аша гына була.
Шулай булгач теге иптәш кызыңа әйтерсең ,ул бит ялгыз
тели икән барып урнашып эш
эшләп карасын .Соңыннан нәтиҗәсен күрерсең .Син миңа
ачуланма сеңелем ,мин сиңа
фәкать изгелекләр генә телим.
Әнисә ачуланмый абыйсына .
Ничек итеп ачулана алсын соң
ул аңа ,үз абыйсы бит.
Тик менә эчен поштырган бер
нәрсәсе гел тынгылык бирми
Әнисәгә .Инде утызны узып баручы абыйсы әле дә өйләнү
турында сүз кузгатканы юк .
Үзенең инде ничә елдан бирле
йөргән кызы да бар югыйсә .
Әллә кияүдән кайткан балалы сеңелесе булгач , аңа кияүгә чыгарга кыймыймы икән кызы
дигән уе Әнисәгә тынгылык бирми.Ул бу турыда әнисенә
әйтеп карарга булды башта.
Эчми ,тартмый бик тәртипле һәм төпле акыллы аның абыйсы ,районда да бик күренекле кеше ,авылның баш агрономы. Рәсеме мактау тактасыннан төшми ,тик менә әле дә ялгыз шул ,ялгыз.
Әнисә абыйсы кайткач ,бу турыда сүз кузгатты ,абый син үзең кайчан өйләнерсең икән
диде ул кыек - мыекка кереп сүз озайтып утырмыйча .Әллә
мин булганга сиңа кияүгә чыгарга теләмиме сөйгән кызың диеп абыйсының күзләренә карады .Юк диде абыйсы ,аның әле укып бетерәсе бар .Менә барысы да яхшы булса быел Яңа елда өйләнешербез дигән уебыз бар
Алла боерса диде .Я сеңелем тагын нинди кызыксындырган
сорауларың бар ,мин барлык сорауларыңа да җавап бирергә
әзер диде көлеп .Аек башта аек акыл шул дип сөенеп куйды абыйсы өчен Әнисә.
Яллары бетеп кабат районга
барып эшли башлады Әнисә .
Эштән кайткач кичләрен ялгыз
калгач уйлары тагын шул яшь
чакларына ,Саид белән үткән
гомерләренә әйләнеп кайтып
башын буталый .Улын күргән
саен ул Саидны күргәндәй була
ул бит аның нәкь тә үзенең копиясе инде менә .
Нигә чыгып юлларыма минем
Бирдең микән чәчкә гөлләмә ?
Гомер буе сине өзелеп көтеп
Саргайсын әле дидең мәллә ?
диеп тагын авыз эченнән үз
сүзләрен куеп җыр сузды ул .
Нигә диеп гел бәгыремне телеп искә төшәсең соң син
Саид диеп үз - үзенә күпме тапкырлар бирде инде ул бу
сорауны .Ник дигәнгә җавабы
гына юк .Аннары тора да Аллага шөкер әле әниемнәр ,
туганнарым белән бергә диеп
сөенә .Әгәр аңа ияреп Төркия
якларына китеп ,кеше әйтүләр
сөйләшүләре дөрескә чыгып ,
анда балаңны да күрмиенчә
кол булып ятсаң нишләр идең
Алла сакласын диеп як - ягына
тфү - тфү диеп төкеренгәләп куя Әнисә кайсы бер вакыт.
Дәвамы бар .
Гөлсинә Шакирова.
Присоединяйтесь к ОК, чтобы подписаться на группу и комментировать публикации.
Комментарии 3