БҮРӘК
КАМЫР:
🔻1,5 стакан он
🔻100 мл су
🔻0,5 чәй калагы тоз
🔻80 грамм май (камырга сылау өчен)
🔻1 йомырка сарысы һәм 1 кашык сыек май (өстенә сөртү өчен)
🔻1 аш калагы кунжут орлыгы
ЭЧЛЕК:
🔻250 гр. фарш
🔻1 зур суган
🔻Тоз, борыч, тәмләткечләр
⃣Йомшаграк камыр басабыз. Камырны 4 кисәккә бүлеп ял иттерәбез.
⃣Ял иткән камырны калынрак итеп җәеп, һәр катламны мул итеп май бн сылыйбыз һәм майланган тәлинкәгә бер-бер артлы тезә барабыз.
⃣Яңадан 20 минут ял иттерәбез.
⃣Камырның берсен алып, кунада яки өстәлдә уртадан читкә таба кул белән этәбез. Аннан чит-читеннән кул белән тарттырып, бик юка итеп юкартабыз. Майда тиешенчә торган камыр җиңел тартыла, әзрәк ертылып китсә дә куркыныч түгел.
⃣Җәелгән камырның бер читенә фарш салып, рулет формасында төрәбез.
⃣Ул рулетны яңадан улитка формасында, түгәрәкләп җыябыз.
⃣Калганнарын да шул рәвешле ясыйбыз һәм табага өсти-өсти зур улитка итеп җыеп бетерәбез.
⃣Өстен тугланган йомырка сарысына май кушып ясалган масса белән майлап, кунжут орлыгы сибеп, 180 градуслы мичтә 30-35 минут пешереп алабыз. Кетердәп тора торган бүрәк әзер.
Тәмле булсын!
Присоединяйтесь к ОК, чтобы подписаться на группу и комментировать публикации.
Нет комментариев