Сания .
Хикәя .Дәвамы .
Сания үзенең Анапа шәһәрендә кечерәк кенә ял базасын ачарга кирәк дигән уен гел иренә кабатлый торды .
Менә матурым ,бу ял көнендә
Булат белән барып карап кайтырга сүз бирәм диде Арджон Архипович Саниягә .
Сания үзенең дә барасы килү
теләген әйткәч тә каршы килмәде ,ярар матурым бергәләп ял итеп кайтырбыз диеп елмаеп куйды .Саниянең
инде шулай үзе эшлим дигәненә ияләшеп бетте ул.
Чөнки барыбер икесе бер фикердә калалар иде алар
нинди генә эшкә тотынсалар да , шуңа күрә каршы килеп торуның файдасыз булуы көн кебек ачык иде .
Менә билгеләнгән көн килеп тә җитте .Алар Сәлимәнең хәлен белгәннән соң ,үзеңне
сакла яме ,ял ит ,бәлкем Җәмиләне дә үзебез белән алырбыз диеп киңәштеләр.
Тик, Сәлимә каршы төште .
Әнкәй мин үземне яхшы хис итәм бит әле борчылырга иртәрәк ,Җәмиләгә дә ерак юл начар тәэсир итәргә мөмкин.
Сез үзегез генә барып карап
кайтыгыз ,без кызым белән өйдә сезне тәмлюшкәләр пешереп көтеп торырбыз диде.
Ярар алайса ,тик үзеңне сакла кызым диеп Сания чыгарга
кузгалды .Булат та сөеклем сакла үзеңне һәм Җәмиләне
генә кара ,кайткач үзем эшләрмен булган эшләрне
диеп, бит уртасыннан гына пәп
итеп ,китәргә машина янына чыкты .Менә алар юлда.Юл тигез ,асфальт .Алда 330 км
юл җәелеп ята .Ул кайбер җирләрдә диңгез белән узышкан сыман якыная ,яки
ике ягыннан махсус утыртып
барылган агачлар уртасыннан
бормаланып - бормаланып алга чаба .Руль артына мин яшь кеше ,сез әнә арткы утыргычта ял итеп барыгыз диеп әтисен дә әнисе янына артка утырырга кушып Булат
үзе утырды .Машина яхшы ,
нишләп утырмаска .Әле Буада
әтисенең иске МОСКВИЧ ы да
бик ярап торган иде йөреп торырга .И әтием ,хәзер күрсәң
иде икән син минем йөри торган машинамны диеп Булат
Хәлим әтисе белән сөйләшеп
барды уйларында .Сагынып искә ала ул әтисен .Ул аңа
гомер бирмәгән ,ә яшәүгә көч ,
тормыш алып барырга тәрбия
биргән .Рәхмәтлемен мин сиңа
әтием ,гомерем буена рәхмәт
укып яшәрмен Алла боерса
диеп еш кабатлый Булат Хәлим
әтисе турында .
Юллар ,юллар авыр булса булсын
Тик соңгысы гына булмасын.
диеп Булат авыз эченнән генә җыр да көйләп куйды ,шундый озын юлга чыгуына сөенеп.
Менә бит күпме яңа җирләр
күреп кайтачак ул бүген тагын.
Алар Анапага өйләдән соң гына килеп җиттеләр .Арджон
Архипович инде шәһәрдәге
җир эшләре министры белән сөйләшеп куйган иде киләсе
көннәрен .Ул аларга мөмкин
булса җир кишәрлеген дә карап куя алмассызмы дип
гозерен дә җиткергән иде.
Акча бит ул һәр җирдә дә алдан йөри .Шуңа күрә монда
да ,аларны инде берничә җир
кишәрлеген билгеләп көтеп торалар иде .Алар билгеләнгән
җир эшләре консулына килеп
сөйләшкәннән соң ,җир өслеге
картасын алып җирләрнең кай тирәдә икәнен карарга дип киттеләр.Беренчесе таулырак
җирдә икән ,монысын ошатмады Сания ,я тагын кайда барып карыйк диде ирләргә авыз ачарга да юл калдырмыйча.Икенче җир
кишәрлеге нәкь тә алар теләгәнчә ,диңгезгә терәлеп диярлек үк тора .Тигезлектә
урнашкан .Җир мәйданы да кечкенә түгел ,монда теләгән
очыракта бөтен уңайлыклары
булган ,ял базасын урнаштыра
алачакбыз матурым диеп
Сания Арджон Архипович белән улы Булатына карады .
Алар шушы җир кишәрлеген алып ,барлык килешү кәгазьләренең эшен бетереп ,
кунарга калмыйча кайтыр юлга кузгалдылар .Юлда сүз
гел шул төзеләчәк ял базасы турында булды .Сания үзе ясаган план проектын иртәгә
эштә, барыбыз бергә кабаттан
да карап чыгарбыз диде .
Әгәр, барысын да дөрес диеп
тапсак ,озакка сузмыйча эшне
башлап та җибәрербез Алла
боерса диделәр өчесе дә килешүләрен белдереп.Киләсе
ял сезонына өлгертербез дә дип уйлыйм диде Булат уйланып бара торгач.Амин диеп өстәп куйды аның фикере
белән килешеп әнисе дә.
Аларны инде бик соңга калып кайтуларына да карамастан ,
Сәлимә ашарларына пешереп,
чәйләрен кайнарлатып көтә иде .Кызы Җәмиләсе мес - мес
итеп ,тыныч кына сулыш алып
йоклый сабый .Көне буена уйнап та арый торгандыр инде
бәбкәчем дип әнисе аның бисмилласын әйтеп өстенә юка гына җәймәсен ябып куйды .Үзе дә бераз гына баш
төртеп торыйм булмаса диеп
карават кырыена гына барып ятты .Шул вакыт Булатлары да кайтып җитте .Әнисе без кереп
тормабыз инде дигән иде улына ,тик ул каршы төште .
Безне анда киленең тәмлюшкә
пешереп көтәм диеп калды бит
әгәр керми китсәгез үпкәләп
куюы бар әйдәгез диеп өйгә
дәште .Аяк тавышларын ишетү
белән Сәлимә урыныннан торып аларны каршы алырга чыкты .Әйдәгез ,исән - сау кайтып җиттегез Аллага шөкер
минем дә ашарга ризыкларым әзер диеп аш бүлмәсенә чакырды ул барысын да .
Вакытның соң булуына да карамастан гөрләшеп ашап
эчкәннән соң ,балаларына тыныч төннәр теләп ,Санияләр
дә үз өйләренә кайтып киттеләр .
Дәвамы бар.
Гөлсинә Шакирова.
Присоединяйтесь к ОК, чтобы подписаться на группу и комментировать публикации.
Комментарии 8