Сания .
Хикәя .Дәвамы .
Мәҗелес тәмамлангач барысы да зур рәхмәтләрен әйтеп ,яңа кавышкан парларга
озын бәхетле парлы гомерләр
теләп кайтырга кузгалдылар .
Залда әле хаман да матур ,
талгын гына музыка уйнап тора .Музыкантлар ,берсен - берсе алмаштырып кына уйнап тордылар .
Кунаклар чыгу юлына башта
яңа кавышкан парларны уздырдылар ,ә үзләре алар артыннан шат елмаеп изге
теләкләрен тели - тели озата
килделәр .Менә ишек ачылып китте ,ә ишек каршында ук матур кызыл келәм җәелгән.
Ул келәм баскычка терәп ук куелган зур ЛИМУЗИН маркалы машинага барып терәлә иде .Арджон Архипович
Санияне шул келәм өстеннән ике генә адым атлатты да ,парлы үтсен гомеребез ,пар
адым булды диеп кулларына күтәреп алды һәм яшь җилкенчәкләрдәй җиңеллек белән машинага алып барып утыртты һәм үзе дә аның янәшәсенә утырып ,машинага кущгалырга кушты һәм алар кунаклар белән саубуллашып кузгалып та киттеләр .Алар
артыннан калган кунаклар да кайтыр якка кузгалдылар .
Булат, әби -бабай һәм гаиләсе белән үз өйләренә кайтып китте .Аның күңеле бигерәк тә
шат иде .Тик ул бу шатлыгын
үзе эчендә генә сакларга мәҗбүр шул .Әйе хаттә яраткан
хатыны Сәлимәсе белән дә бүлешә алмый ул аны .Ә үзе
әнисе өчен сөенә .Ул бит аны
ялгызлыктан коткарды ,әнисе
бит барыбер алар янында яшәсә дә үзен ялгыз итеп хис
итәчәген аңлый бит инде ул,
сабый бала түгел .
Һәр кошның ике канаты булган
кебек ,кешегә дә парлы булганда гына тормышта яшәве рәхәт .Өстәл артына утырып ялгыз чәй эчкәнгә караганда, икең кара - каршы утырып чөкердәшеп сөйләшеп кенә утыруы да рәхәт бит .
Булат та бик күп уйланды әнисе турында .Әтисе үлеп киткәч бигерәк тә .Авыр иде шул әнисенә ,бик авыр иде ,
гомере буе бер көнгә дә аерым яшәмәгән ирен җир куенына салуы .Яратып яшәгәндерме юкмы әнисе әтисен аңа монысы караңгы ,ә менә нык
бер - берсен хөрмәт итеп яшәүләре хак .Моны Булат һәрдаим күреп һәм тоеп үсте .
Ә менә әтисенең әнисен яратып яшәве хак .Чөнки аның
сулаган сулышы да әнисе генә
иде .Кызганыч иртә киттең шул әти арабыздан диеп эчтән генә
урының оҗмахта булсын әти
диде уйларын йомгаклап .
Рестораннан чыккач Арджон
Архипович Сания белән, Саниягә үзе бүләк итеп алган өйләренә кайттылар .Чөнки Сания шулай теләде .Беренче бергә атлыйсы адымыбызны үз бусагабыздан атлыйк диде ул Арджон Архиповичка .Менә
ЛИМУЗИН капка төбенә килеп туктады .Сания инде монда да
шундый тамаша көтәдер диеп
күз алдына да китермәгән иде.
Капка ачылып та китте ,анда
бер унлап курчак кебек итеп киендерелгән балалар аларны каршы алды .Алар ни генә эшләмиләр .Бу ,Сочиның цирк алдында укучы гимнастика бүлеге укучылары иде .Бу матур күренештән Саниянең күзләренә яшь килде .Һәм аның башына килгән беренче уе ,оныгы Җәмиләне дә шунда өйрәнергә бирү булды .Инде
балалар уйнап бетергәндә генә
кабат бердәм ,юка өрфия ак келәмне алар аяк астыннан
башлап өй ишегенә кадәр
тәгәрәтеп җәеп җибәрделәр.
Шул ап - ак келәмгә баскач, Арджон Архипович Саниягә карап ике кулын учларына кысып ,безнең бергә барасы юлыбыз һәм бергә яшәләсе гомеребез ,шушы ак келәм кебек керсез ,саф булуын телим,гомерем буена көткән бәхетем бит син матурым диде.Әйдә без синең белән шушында капка төбендә исемнәрне калдырыйк та бер
беребезгә матурым диеп кенә дәшәрбез .Аннан да назлырак
сүзләребез икебез өчен генә булыр ярыймы матурым диде
Саниянең кулларын тоткан килеш ирененә китереп назлы
гына итеп үбеп алды һәм
Сания белән Арджон Архипович икесе бер аяктан атлап шул ак келәм өстеннән
сабыйлар алар өстенә яудырган роза чәчкәсе таҗлары арасыннан өйгә керделәр .Сания моннан чыгып киткәндә бер ни дә юк
иде бит ,бар да гади һәм көндәгечә иде .Сания үз күзенә
үзе ышанмады .Кай арада мондый үзгәреш ,әллә алар ялгыш башка йортка кайттымы соң диеп як - ягына каранды .Монда бар да өр яңадан җиһазландырылган .
Ә ,йокы бүлмәсендәге аның
иртән генә торып киткән ятагы урынында зур ,баш - башлары челтәрләп эшләнгән агач карават ,бик кыйммәтле урын җир әйберләре белән җыеп куелган иде .Сания үзе дә сизмәстән ,гаҗәпләнү катыш күзләре белән Арджон Архиповичка карап ,ят бер кешегә дәшкән сыман ,Сез нәрсә инде ,бу кабат нинди спектакль ,бу Сезнең шаяру гына түгелме диеп үз тавышын да танымыйча сорау
арты сорауларын яудырды .
Юк матурым ,диде Арджон
Архипович Санияне тизерәк тынычландыру ягын уйлап.
Безнең беренче адымыбыз ук
яңа биттән башланырга тиеш диеп үзең үк әйттең бит ,менә
без бергә бүген һәм хәзер икәү беренче адымыбызны атлап
үз өебезгә кайттык һәм озын
парлы гомеребезне телик матурым диеп аны кочагына алды .Кайнар иреннәреннән суырып үпкән вакытта ,үзенең
беренче кат Сания кочагына кергән вакытына әйләнеп кайткандай булды .Күпме еллар үткән ,күпме сулар аккан ,ә беренче һәм соңгы очырашу әле дә үз кайнарлыгын югалтмаган икән
бит диеп ул Санияне тагын да ныгырак кочагына кысты .
Шашып - шашып кайнар иреннәреннән үпте .
Дәвамы бар.
Гөлсинә Шакирова.
Присоединяйтесь к ОК, чтобы подписаться на группу и комментировать публикации.
Комментарии 11