Сания .
Хикәя .Дәвамы .
Хәлимнең капка төбендә утырып торганын күршесе күреп китә исәнләшеп .Бераз киткәч бәрәкәт ,гел дәшә иде бит ,ни булган күшемә диеп үпкәләгән кыяфәт чыгарып кире борылып килә .Тату яшиләр алар күршеләр ,бер берсенә кереп чыгып хәл белешеп торалар .Күрше син нишләп дәшмәдең ,берәр нәрсәгә ачуланмагансыңдыр бит диеп янына килсә ,йоклап
киткән кеше кебек кенә утырган Хәлимгә кулы белән кагылуга ул кырынаеп авып төшә .Күршесе кычкырып урамнан үтүчеләргә Ашыгыч Ярдәм чакыруларын сорады .
Ашыгыч Ярдәм килеп җиткәндә Хәлимнең инде гәүдәсе суынган иде .Аны капка төбеннән туры хастаханә
моргына алып киттеләр .
Сания инде эшләрен карап бетергән иде ,шуңа иртән үк кайтырга кузгалды .Юл, ерак булса да якын булса да юл инде ул .Сания өенә кичке якта гына кайтып керде .Аны өйдә
күңелсез хәбәр көтә иде инде.
Аңа күршесе Хәлименең китүен әйткәч ,нинди нык ханым булса да ,үз гомерендә күпме якыннарын югалткан кеше булса да сыгылып төште.
Нишләп миңа үзенең йөрәге авыртканын бер дә әйтмәде икән дип үзен битәрләде ул.
Мин бит аның кай җире авыртканын һәрдаим сорап тордым .Ә менә йөрәк өянәге
булганын бер дә белмәдем.
Аннан кисәк кенә торды да ,мин хастаханәгә барып кайтыйм әле гафу итегез диеп
өйдә булган кешеләрдән гафу сорап тиз - тиз генә ирен илткән хастаханәгә китте .
Әле Хәлимне ярмаганнар ,
Санияне көтәләр иде .Барысы өчен дә көтелмәгән хәл бит бу .Монда эшләүче докторлар белән ничәмә еллар бергә эшләп яшәгән кеше иде бит
Хәлим .Сания килгәч аны ире
яткан җиргә керттеләр .Сания
аның каплаган җәймәсен ачып
баштан аяк бөтен җирен карап чыкты .Битләреннән тотып бәхиллеген сорады ,аннары ярырга рөхсәт биреп ,улы Булатка бу күңелсез хәбәрне әйтеп ,соңгы юлга озатырга кайтыгыз диеп тиз йөрешле телеграмма җибәрде .Ә үзе өенә кайтып ,күрше апалары белән ирен күмү хәстәренә кереште.Үзе торып торып ирен орышып куйды .Нигә бер дә авырганыңны белгертмәдең.
Гел бергә идек бит югыйсә ,ник
үзем дә тоймадым соң бер дә дип үзен дә битәрләп елаштыргалап та алды.Инде хәзер кире кайтара алмыйбыз Сания ,әйдә нык бул .Әле бит озатасы да бар ,синең алда бит әле күп эшләр тора .Калганнар
бит үлеләргә ризык биреп торучылар алар .
Саниянең үлеләр дигәч кенә аңына килде ,авылга хәбәр итәргә кирәклеге .Хәлим бит гел әйтә иде ,дөнья хәлен белеп булмый мине авылга җирләрсез диеп.Менә җитмеш
яшең тулырга ярты ел калганда дөнья белән саубуллашып китеп тә бардың
сөеклем диде уйларында Сания .Матур яшәдек ,миңа бер авыр сүз дә әйтмәдең .
Тик минем сине җир куенына салганчы әйтер сүземне тыңла
кичерә алсаң - кичер ,кичерә алмасаң төшемә керерсең .
Мин синең балаң булмасын белгәч ,бик нык борчылдым .
Безнең бәхетле булырга хакыбыз бар диеп бер генә тапкыр ,синең үзең кебек үк акыллы ,чибәр ир - егет белән булдым .Әйе булдым ,ә хыянәт итмәдем.Һәм шул очырашудан безнең улыбыз Булатыбыз туды .Мин ул кешене башка очыратмадым да күрмәдем дә.
Син ул кешене беләсең ,ул Арджон Архипович .
Мин алданрак китсәм үзем белән китәсе сер иде бу ,ә хәзер мин сиңа сөйләп бәхиллегеңне алып калырга телим бәгьрем диеп иренең фотосы белән күпме сөйләшеп
утыргандыр ул эченнән генә ,күрше апасы дәшкәнгә сискәнеп күзләрен ачты.Аны чәй эчәргә дәшүләре икән .
Әйдә болай ярамый .Син бит табиб кеше ,ахыры яхшы бетмәсен аңларга тырыш диеп
чәй эчәргә чакырдылар .
Шунда гына Сания үзенең инде иртәдән тамагына берни ашамаган булуын искә алды .
Тамагы күпме генә ач булса да
аның тамагыннан ризык үтмәде.Бер җамаяк чәйне уртлап кына эчеп куйды да ,күршеләренә рәхмәт әйтеп
өйләренә чыкты .Анда инде
Хәлимне алып кайткач яткырасы караватны җайлап
куйганнар иде .Берничә кеше аны алып кайтканны көтеп бисмилла укып утыралар иде.
Өйгә алып кайтып кундыралар
бит бер кичне ,әле улы да кайтасы бар ,көтәр кешеләре авылда гына инде .
Менә кайттылар дигән хәбәрне
кереп әйттеләр дә Хәлимне кул күтәргеченә салып алты кеше өйгә алып кереп караватка салдылар .Аннары олы гына ике апа килеп җайлап куеп ,
ияк астыннан башын бәйләп ,
өстенә җәймә ябып ,битенә ак
яулык каплап тирә - юненә тезелешеп утырып эчтән генә
дисбе тарта башладылар .Алар
шулай мәет саларга килүче авыл апа - агайлары иде.
Хәлимне зурлап ,авылга алып кайтып җирләделәр .Улы Булаты да бик җылап озатты әтисен .Әтием ,бәхил бул яме минем яраткан әтием.Син мине тормыш итәргә өйрәтеп үстердең ,синең рухыңа оят
китермичә яшәрмен әтием диеп әтисеннән бәхиллеген дә сорап калды Булат .
Әтисен җирләгәч өчесен үткәргәнче тордылар алар әнисе янында .Өчесен үткәргәч
әнисенә сабырлыклар теләп
Сочига үз өйләренә кайтып киттеләр .
Дәвамы бар.
Присоединяйтесь к ОК, чтобы подписаться на группу и комментировать публикации.
Комментарии 7