Сания .
Хикәя .Дәвамы .
Сания авылдан киткәч тә , әле гел авылны , әти - әнисен сагынып аптырады .Тулай торакта урнашып укый башлагач та , барысы да авыл кызлары булып , барысы да беренче елларын гына укучылар иде .Бер - берләре белән дустанә яшәргә сүз куештылар .Ашау - эчүләрен дә бергә әзерләп , бергә ашарга булдылар .Бер банкага дүртесеннән дә ризыклар алырга бертигез итеп акча кассасы да салып куйдылар .Ул акча тик бергә ашарга гына тотылырга тиеш булуын , барысы да белеп торырга һәм айныкын айга җиткереп барырга тиеш булдылар .Шулай яхшырак та дөресрәк тә булуын барысы да белә иде һәм ничә ел уку дәверендә шулай эшләделәр дә .
Кызлар кызлар инде алар , гел матурлык яраталар .Сания дә кызлар белән тату яшәде .Кирәк чакта киңәшләрен бирде , үзе белмәгәннәрен кызлардан сорап өйрәнде .Шулай еллар уза торып , укулары тәмамланып диплом яклар ,имтихан тапшырыр вакытлары да җитте .Менә Сания дә ап - ак халат киеп больницаларда практика үтеп , уку белән аралашып барган өйрәнүләрдә алган белемен хәзер , үзенең укыткан укытучылары алдында , имтиханда раслап бирергә тиеш .Ныклап әзерләнде ул имтиханнарга .
Авылга да сирәк кайтылды , сессияләргә дә бер дә калдырмыйча йөрде Сания .
Кайткан саен Хәлим дә ,Саниянең үзен яратмавын белсә дә гел янына килгәләп торды , кызны эзәрлекләвен һәм көтүеннән туктамады .Инде ул аны күптән үзенеке итеп хис итеп ялгыз яшәвен дәвам итте .Сания тик минеке генә булачак , тик минеке дигән уеннан инде ничә еллар ваз кичмичә яшәвен , һәм укуын бетереп кайтканын көтеп яши бирде .
Имтиханнарын яхшы билгеләренә генә биреп Сания кулына терапевт дипломы алды .Аны эшкә үз районнарына түгел бөтенләй башка якка Буа шәһәренә юллама биреп җибәрделәр .
Анда ,зур булмаган шәһәрдә эшкә ияләшүе дә җиңелерәк булыр ,өч ел эшләгәч бәлкем Казанда эшкә килүләр дә насыйп булыр диде аңа профессор Рәмзия Ильясовна .
Уку беткәч бирелә торган бер айлык ялын авылда үткәргәч ,Буага китәрмен дә эшкә урнашырмын диеп кайткан Саниянең, корган планнары авылга кайткач ук, хрусталь ваза төшеп ватылган кебек , чәлпәрәмә килеп ватылды .
Инде ничә еллар көткән Хәлим , аны урлап алып кайтып тәки үзенеке итте бит .
Кыз урлау гадәтен кемнәр уйлап тапкандыр , ә менә урланган кыз кире өйгә кайтса, аны инде юкка чыккан кызга санаганнар .Саниягә дә язмышына язылгандыр инде , үзе сөймәгән кеше белән гомер итәргә .Кайтса әтисе - белән әнисен җәлләде , кызын кияүдән кайткан дип , күзләрен дә ачырмаячаклар .
Нинди кыргыйлык , нинди ваемсызлык булган бит ул заманнарда кызларга карата .
Сания язмышына буйсыныпмы , уку дәверендә бер генә егет белән дә чын - чынлыклап аралашмавы , дөресрәге яратып караганы булмагангамы никах укытырга ризалыгын биреп ,Хәлимнәр йортына килен булып төште .
Хәлимнең инде ничә еллардан бирле туйга дип җыйган акчасы да булганлыктан гөрләтеп туйлар да үткәреп җибәрделәр .
Саниянең Буага китәр көннәре дә якынлашты .Ул Хәлимгә бу турыда әйткәч ,ул авылымны ташлап беркая да китәсем юк , әнием ялгыз карчык , мин аны ташламыйм диеп кырт кисте .
Сания аңа мин бит сиңа кайтуга әйттем , мин укып чыккан эшем буенча эшләячәкмен диеп үз сүзендә торды .Минем дә , әтием белән әнием ялгыз , алар мине ничә ел укыттылар , мин барырга һәм эшкә урнашып өч елымны шунда эшләргә бурычлымын диеп үз сүзендә торды .Сания инде хәзер курыкмыйча үз сүзен әйтергә өйрәнгән иде .
Хәлим күпме генә каршы торса да , хатынын җиңә алмады .Аңа ияреп чыгып китүдән башка чарасы калмады. Чөнки ярата бит ул Саниясен , яратмаса ничә еллар буйдак булып , каңгырап яшәгән булыр идемени ул .
Дәвамы бар
Гөлсинә Шакирова.
Присоединяйтесь к ОК, чтобы подписаться на группу и комментировать публикации.
Нет комментариев