Предыдущая публикация
🌠 Рошто йӱдым ончыкылык илышым рашемдаш лиеш, маныт.
💖 Марлан кайыдыме ӱдыр малаш вочмо деч ончыч кӱпчык йымакыже у солыкым пыштышаш да ойлышаш: «Пӱрымашем, ӱмыр пелашем, мушкылташ, у солык дене ӱштылташ тол». Омеш толшо каче пелаш лиеш, маныт.
🧤Иктаж йодышым шке семын шоналтыза да пижым кӱшкӧ кудалтыза. Камвочмекыже, пиж кугыварня дене кӱшкӧ ончыкта – шонымаш шукталтеш, мӧҥгешла гын – огеш.
❄ Кагазыш икмыняр шонымашым возыза. Мутлан, марлан лекташ, ешан але икшыван лияш.
Тиде кагаз-влакым ӱстембак шарен оптыза. Кум кож але пӱнчӧ пӱгыльмым налза, ӱмбакышт «нигунам», «вашке», «жап кӱлеш» возыман лаштыклам пижыктыза. Могай лаштык ӱмбак могай пӱгыльмӧ возеш, ончыза.
✨А те иктаж-кунам мужедында? Мужедмыда шукталтын але уке?
Следующая публикация
Нет комментариев