Предыдущая публикация
Чеверын, 2024 ий!
Салам, 2025 ий!
Анатолий ЗАРЕЦКИХ, мурызо:
– 2024 ийыште кугу событий лийын огыл гынат, кажне талук, кажне кече
илышыште – тиде событий. Шукыж годым тидын нерген огынат шоналте.
Ешыште изи лӱмгече лие. Изи ӱдыремлан 5 ий теме. Тудо да ик эрге йо-
часадыш коштыт, кугурак эрге – кокымшо классыш. Мӱндыр кундемласе йолташ-влак дене кылым кучена, чоным почын кутырена, икте-весым огына мондо.
Артист кочайым коклан тӱрлӧ пайремыш муралташ-кушталташ, калыкым веселитлаш ӱжыт, шоҥгемаш, вуйым сакен кошташ огыт пу. Концертлаштат муралташ логалеш. Шукерте огыл татар композитор Жаудат Гильманов, марий поэт Александр Петров дене «Тыйым веле йӧратем» мотор мурым луктынна.
Уло марий тӱняшке тыгай мутым колтымо шуэш: «Курым мучко ош тӱняште марий муро йоҥгыжо! Курым мучко Мландымбалне марий калык илыже!» Кумылна поро, весела, чонна волгыдо лийышт!
Следующая публикация
Нет комментариев