Предыдущая публикация
Чеверын, 2024 ий!
Салам, 2025 ий!
Денис Шаблий, актёр, режиссер, рэпер:
– 2024 ийыште пеш шуко пашам ыштыме. Команде дене Йошкар-Олаште икымше гана Россий кӱкшытан кинофестивальым эртаренна. «Замок Шереметева» (Юриныште), «Где у Волги середина?» (Звениговышто), «Последнее интервью» (Уфа) фильм-влакым, тыгак «Йошкар-Ола театральная» роликым сниматленна. «Чоткар», «Ирга» да «Плёвое дело» фильмна-влак дене ятыр кинофестивальыште сенна. Шкеже «Канские каникулы» ден «Маша + Чен = война» сериаллаште да икмыняр кӱчык метражан фильмыште сниматлалтынам.
«Шып лий» группына «Звук Евразии» Российысе конкурсышто финалист лийын. Йошкар-Олаште, Москошто, Новосибирск, Петропавловск-Камчатский, Нижний Новгород олалаште, тыгак Сочиште Молодёжьын тӱнямбал фестивальыштыже концерт дене выступатленна. «Кӧ улам», «Йошкар-Ола», «Команмелна», «Вуй» муро-влаклан клипым войзенна. «Йошкар-Ола» лӱман икымше альбомна лектын (тений «Шып лий» группыналан ик ий темын).
Ешем денат «Это у нас семейное» Российысе конкурсышто финалист лийынна, Российысе 300 эн сай еш радамыш логалынна.
2025 ийлан ӱшан пеш шуко. «Марийские сказки» киноальманахна кинотеатрыште прокатыш сайын кайымым вучем. Марий патыр-влак нерген чыла йомакым иктыш поген да ик фильмыш чумырен кертынна. Тудым Марий Элысе чыла районышто ончыкташ шонена. «Шып лий» группо дене Марий Эл нерген кокымшо альбомым возынена. Январьыште «Киноактёр» пытартыш курсым погем. Йошкар-Олаште ик тылзат пеле жапыште актёр мастарлыклан тунемаш да фильмыште сниматлалташ шонышо 12-88 ияш еҥ-влакым погаш тӱҥалам. Тыгак Йошкар-Олаште 2-шо кинофестивальым эртараш кӱлеш.
«Кугарня» газетын лудшыжо-влаклан йӧратыме да йӧратыше лияш тыланем, йӧратымаш тӱням утара. Пиалан да таза лийза! У ий дене!
Следующая публикация
Нет комментариев