Предыдущая публикация
2024 ий, чеверын!
Салам, 2025 ий!
Акпарс ИВАНОВ, М.Шкетан лӱмеш Марий драмтеатрын артистше:
– Тений моткоч шуко паша ышталте. Шкетан лӱмеш театрыште шуко у спектакльыште роль-влакым модмо, гастроль денат Уфашке, Чечняшке да Москвашке «Золотая маска» премийым пуымашке миен коштмо.
Паша дене гына огыл, тыгак каныш нергенат сай шарнымаш кодын. Январьыште Кавказыш канаш миен толынам, Донбай курыкышто ече да сно-
уборд дене икымше гана коштынам да чот келшен, вара Свияжск курыкышто тыгак мунчалтенам. Отпуск жапыште Кугу Какшан эҥер мучко куд кечаш сплав чот шарнымашеш кодын, тушто байдарке дене 95 меҥге наре волымо. Тыгай каныш чонлан пеш келша. Мый ончыч велосипед дене утларак кудалыштынам, кызыт ынде машинам виктарем. Велосипедем ачалем гын, вес ийын туддене шукырак кудалышташ шонем.
Шушаш У ий пайрем дене саламлем!
Следующая публикация
Нет комментариев