Предыдущая публикация
«Илыше», йӱлышӧ, йымыктарыше…
Лишыл еҥда-влакым куандараш шонеда гын, йолгышо пӧлекым пӧлеклен кертыда. Тудо тыгак пӧрт кӧрггылан шкешотан ямым пурта, тудым эшеат сылныракым ышта. А тыгай сӧрал паша-шамычым кидмастар Анна Матвеева шочыкта.
Анна тӱрлӧ сылнылыкым шочыктымылан ятыр жапым ойыра. Кунамсек ӱдыр тыгай сомылым вораҥдара? Тидын да моло нергенат тудын дене мутланышна. А.Матвеева тыгерак палдарыш:
– Мый изинек иктаж-мом ышташ йӧратенам, поснак тӱрлаш кумылан лийынам. Яра жапем лектын гын, вигак кидпашалан пижынам. Авам гын пидаш пеш мастар. Тыгай еҥ-шамыч тыглай шинчен огыт керт, маныт, мыят – тыгак. Ик жап ӱпыш пижыкташ тасма гыч тӱрлӧ сӧрастарышым ямдыленам. Еҥлан огыл, шкалан.
Ныл ий ончыч пеледыш-шамычым ышташ кумылаҥынам. Тидлан интернетыште ятыр видеоурокым онченам, лекцийым колыштынам, мастер- класслаште шинчымашем нӧлтенам. Кок ий ончыч ВК-се ик тӱшкаште ик мастар еҥ дене палыме лийынам. Тудын пеледышыже-влак илыше гай койыт. Мыят тыгайым шочыктынем, шоналтенам тунам, да тудын деке мастер-классыш возалтынам. Тушто моштымашем шуарыме деч вара, пашам-влак койынак вашталтыныт манын кертам. Роза, эустома, лилий-влак, чынжымак, пакча гыч кӱрлын пуртымо гай койыт, эше йӱлат. Тылеч вара ик верыште шогаш огеш лий, моштымашым нӧлтенак толаш кӱлмым умыленам.
Кызыт Анна тӱҥ шотышто йӱлышӧ пеледыш-влакым ыштылеш. Тидлан фоамираным, юалге фарфорым, пастельым, молым кучылтеш.
Следующая публикация
Нет комментариев