Предыдущая публикация
Йоча дене шинчышыла, амалкалче лийын
Интернетыште шуко еҥ шке пашажым вораҥдарыме нерген палдара. Нунын коклаште ятырынже самырык ава-шамыч улмым шекланенам. Кок шочшан ава, поэтессе Вера Гордееван «Верины ручки. Дизайнерская работа» телеграм-каналыштыже ойыртемалтше, мотор марий орнаментан ятыр вургемым ужаш лиеш. Тудын пашаже-влак кызытсе илышлан келшыше, модный, у сынан улыт.
– Тылеч ончыч туризм сферыште пашам ыштенам. Шуктымо сомылем чонемлан келшен. Садлан вес паша нерген шонымашыжат лийын огыл.
Чылажат икшывем-шамычын ош тӱняшке толмышт дене вашталтын. Декретыште шинчымем годым шке пашам тӱҥалаш пеҥгыдын шонен пыштенам.
– Такшым изи годсек ургаш йӧратенам. Ургымо курсым тунем лектынам. Тылеч вара ургаш могай арвер кӱлеш – чыла наледенам. Тунамак ик кугу предприятий дене кылым ыштенам. Мыйын гаяк моло ургызо-шамыч дене пырля нунылан оранек школ вургемым ургенна. Тыгодымак вуйыштем шке семынем эре шонкаленам: еҥлан огыл, а шкан иктажым тӱҥалман.
- Илышым тӱрыснек вашталтыме шотышто решенийым приниматлаш моткоч йӧсӧ улмаш. Садлан тидым ышташ, поснак тӱҥалтыште, лӱдыкшӧ ыле. Но ончылнем шындыме цель виянрак лийын. Таклан огыл кугу шонымашке шуаш тыршыше-шамычлан сандалыкшат йӧным ышта маныт.
- – Шке пашамым илышыш шыҥдараш манын, кугыжаныш дене социальный контрактым пеҥгыдемденам. Тидлан мыланем 350 тӱжем теҥгем пуэныт. Ты окса дене тӱрым тӱрлымӧ машинам налынам. Тидыже шке пашам тӱҥалмаште моткоч сай полыш. Тудын условийже почеш, чыла ступеньым эртен, самозанятостьым почынам. Тидлан отчётым ыштенам, кӱлеш документацийым ямдыленам.
Палемдыман, тыгай контрактым кажне еҥлан огыт пу. Тудым налаш шонышо-влаклан Калыкым социально аралыше рӱдерыш кайыман. Тушто тидын шотышто сайын умылтарат.
Кумданрак сайтыште лудса..
https://xn--24-6kcl8auuv6i.xn--p1ai/jocha-dene-shinchyshyla-amalkalche-lijyn/
Следующая публикация
Комментарии 1