Предыдущая публикация
Ныл эрге – ныл эҥертыш ❤
Йошкар-Олаште илыше Афанасьевмыт ешыште ныл эрге кушкеш. Кажныже – шке койыш-шоктышан, шонымашан. Адакшым кажныжлан жапым ойырыман, чон шокшым да йӧратымашым пӧлеклыман. Ешыште порылык да волгыдо кумыл озаланышт манын, ача-авалан ятыр тыршыман.
– Саша дене 18 ий пырля улына. Мемнам спорт ушен манын кертам – ик таҥасымаште палыме лийынна. Мый тунам Морко посёлкысо 6-шо номеран школышто тунемынам, Саша Олимпийский резерв школын чапшым арален. Вич ий келшенна, армийыш ужатенам да пӧртылмыжым вученам. Толмекыже, марлан лекташ темлен, да сӱаным ыштенна. Ешым чумырымыланна 13 ият эртен, – каласкала Диана.
Шуко шочшан ача-ава лияш Саша ден Дианан ончылгоч шонен пыштыме планышт лийын огыл. Кок икшывым ончен кушташ, сай воспитанийым пуаш манын кутыреныт ешым чумырымекышт. А ынде Сашан сӱанышт кечын «четыре сыночка и лапочка дочка» лиеш манын мыскарам ыштен ойлымыжым шуктатак, коеш. Илен-толын, ала вич йочанат лийына, кеч ӱдырлан, кеч эргылан ик семын куанена, тӱҥжӧ – таза кушкышт, маныт самырык ача-ава.
__________
📰 Умбакыже Ирина Александрован статьяштыже лудаш темлена: https://кугарня24.рф/nyl-erge-nyl-e-ertysh/
Следующая публикация
Нет комментариев