Предыдущая публикация
🚘Корно туткарым шагалемдаш манын…
Марий Элым Вуйлатыше Юрий Зайцев республикысе корнылаште ДТП-м шагалемдыме шотышто совещанийым эртарен.
Статистике почеш, тений 9 тылзыште Марий Элыште 530 корно туткарым регистрироватлыме.
Юрий Зайцев корно туткарын молан шукеммыжым рашемдаш да тудым шагалемдаш кӱлеш мерым приниматлаш кӱштен. Тудо водитель-влак дене профилактике пашам чотрак шуктымо да корнылаште ешартыш лӱдыкшыдымылык мерым ыштымын кӱлешлыкше нерген палемден.
🚘Аварийым шагалемдаш манын, кундемыштына паша чот ышталтеш. 2024 ийыште 210 меҥге корным нормылан келыштарыме. Тыгак корным волгалтарыме устройствым, пешеходный переходлаште искусственный неровностьым ыштат, светофорым да барьерный авыртышым шогалтат. ПДД-м пудыртымым эскераш фото- да видеофиксаций комплекс-влакымат шукемдыме.
👭Совещанийыште корнышто йоча-влакын лӱдыкшыдымылыкыштлан поснак кугу тӱткышым ойырымо. Кодшо тунемме идалыкыште кундемыштына йоча-влаклан корно правилым ушештараш 750 утла воспитательный мероприятийым эртарыме. «Безопасность дорожного движения» региональный проект почеш, икымше классыш кайыше 8000 йочалан световозвращающий элементым кучыктымо, тудлан кӧра пычкемыште ӱдыр-рвезе-влак водительлан сайрак койыт. Ончыкшымат ты шотышто кугу паша ышталтшаш.
Иван Речкинын да Марий Элым Вуйлатышын пресс-службыжын фотошт.
Следующая публикация
Комментарии 2