Советский район Михайловка селаште илыше 70 ияш З.В.Ореховат Саша эргыжым мобилизацийын икымше тӱшкаже кайыме годым 2022 ийыште ужатен.
– Мый БАРС-ыште (боевой армейский резерв страны) шотлалтынам. Икымше повесткым мылам 15 майыште колтеныт ыле. Но варажым сентябрьлан коденыт. Озаҥыште лӱйкалаш кум тылзе тунеммеке, 109-ше полкын отдельный снайперский взводышкыжо колтеныт. Старший снайпер лийынам, Калашниковын автоматше да Драгуновын снайпер винтовкыж дене лӱйкаленам. А йӱдым колышо салтак-влакым ятыр луктеденна. «Док» позывноян доктор деке нумалынна. Тиде Медведево район гыч врач Игорь Сошников ыле. Тудо тений январьыште вуйым пыштен, - каласкаа Александр.
Тудо кок гана сусырген. Озаҥысе госпиталь гыч кодшо ийын сентябрьыште толын. Ты жап гыч капше гыч осколко-влакым лукмо черетым вуча.
Присоединяйтесь к ОК, чтобы подписаться на группу и комментировать публикации.
Комментарии 2