Предыдущая публикация
Интернет пайдамат конда
Лач тыгаяк шонымашан Йошкар-Олаште шочын-кушшо, 7-ше №-ан школышто 10-шо классыште тунемше Ульяна Гоголева. Ӱдыр соцкыллан кӧра тӱрлӧ слётыш, конкурсыш ушна.
Ӱдыр изинек чолга. Походыш кошташ йӧратымыже туризм деке кумылаҥден. Тыге 5-8-ше класслаште тунеммыж годым спортивный ориентирований дене заниматлен. Ятыр таҥасымашке ушнен, ятыр грамот да диплом дене палемдалтын.
– Туризмдлан кӧра мый олимпиадым йӧратен шынденам. Тыге географий, биологий да ОБЖ дене Российысе олимпиадлаыште шинчымашемым тергенам. Кодшо ийын экологий дене олимпиадыште призёр лийынам, – ойла тунемше.
Российыште школышто тунемше-влаклан агрогенетике дене олимпиаде кокымшо ий почела эртаралтеш. Ӱдыр ты олимпиадышкат ушнен.
Ульяна «Движение Первых» толкынын регионысо пӧлкаштыже кокымшо ий шога, школыштыт ты ячейкым шукерте огыл гына почыныт.
– Ты толкынлан кӧра мый шуко вере: «Океан», «Орлёнок», «Артек» да «Смена» йоча лагерьлаште– лийынам. Тыгак «Больше, чем путешествие» туристический слётыш ушненам. Слёт кок ужаш гыч шоген: тунемме программе да Машук курыкыш кӱзымаш. Лач тыште спортивный ориентирований дене заниматлымем мыланем полшен, – каласкала ӱдыр.
27 август гыч 1 сентябрь марте У.Гоголева Камчаткыш слётыш миен коштын.
Следующая публикация
Нет комментариев