Предыдущая публикация
💭 СВО участник-влакын ешыштлан полышым пуышо «СВОя сила» уникальный проект элнан вич регионыштыжо шыҥдаралтеш.
24 сентябрьыште Российын мер палатыштыже «СВОя сила» социальный вияҥмаш да СВО участник-влакын ешыштлан полышым пуышо проектын презентацийже эртен. Идейын авторжо да проектын лидерже – Россий Федераций Президент пеленысе Марий Эл Республикын постоянный представительже Ольга Бадма-Халгаева.
🙇♀Ты проект спецоперацийын участникше-влакын ешыштлан (тыгак колышо салтак-шамычын родыштлан) полшаш ышталтын. Тудын тӱҥ шонымашыже – тыгай еш-влаклан эҥертыш лияш да у профессионал моштымаште полшаш.
Проектын командыже икмыняр йодышлан шкешотан вашмутым темла: психологий консультацийын негызшым тунеммаш да практике гоч проектын участникше-влак у компетенцийым веле огыл налыт, тыгак шканыштат полшен кертыт. Тыге нуно эше ик гана пеҥгыдемдат: психологий полышым жапыштыже налман.
Проектын партнёржо-влак - Москосо практике психологий школ да Томск кугыжаныш университет.
2024 ий октябрьыште проектын пилотный тургымжо Российын вич регионыштыжо тӱҥалеш: Калмыкийыште, Марий Элыште, Пошкырт кундемыште, Томск ден Орёл областьлаште.
Следующая публикация
Нет комментариев