Цилӓ ти направлени семӹнь иквӓреш пӓшӓлӹмӹ гишӓн соглашениэш Петербургский международный экономический форумышты Мары Элӹн Глава Юрий Зайцев дон Санкт-Петербургын Губернатор Александр Беглов кидӹм пиштенӹт.
Ти документ семӹнь кок монгыр гӹц келшен пӓшӓлӹмӓшӹм торгово-экономический, туристский, транспортный, научный, образовательный, экологический, информационный, социальный, культурный, спортивный, земельно-имущественый сферӹштӹ пингӹдемдӓш шанымаш улы.
Мары Элӹн Глава шукы семӹнь тишкевек яктеӓт келшен пӓшӓлӹмӓш ылын манын, но кыды-тидӹ направленим тӹкӓлмӹ агыл, седӹндон опытым шӓрӹмӓш керӓл ылеш.
«Мары Эл дон Санкт-Петербург шукы и доно образовани, культура дӓ истори сферӹштӹ келшӓт. Шамак толшеш, Санкт-Петербург дон Ленинградский областьышты кок мары национально-культурный общественный объединени улы. Тагачшы соглашени келшен пӓшӓлӹмӓшӹм цаткыдыракым ӹштӓ», – Юрий Зайцев келесен.
Пискаревский мемориальный мыгилӓштӹ Мары Эл Республикӹштӹ шачшы, Ленинградышты блокада годым колышывлӓ лӹмеш памятный плитӓм пачмы торжественный мероприяти ылын.
Нет комментариев