" БА МУҲАББАТ БОВАР НАДОРАМ"!
( қисса) қисми 2
Зоирҷон соҳиби ҳамсари зебо шуду модарам андаке аз ташвиши келинкоби халос шуд.Духтари тағоям хеле ситорагарм буд.Пагоҳи барвақт аз хоб хеста, саҳни ҳавлиро об зада меруфт.Агар модарам ба коре саргарм шавад,келинамон ба ӯ ёри мерасонд.Чусту чолокии духтари тағоям ба модарам хуш меомад.Зоирчон аз ҳамсараш хурсанд буд,ки табъи дили модар кор мекунад.
Зиндагии хонаводаи мо дар муҳити якдигарфахми мегузашт.
Пас аз як сол Кабири бародарам бо ҳамсару тифли яксолааш ба хона омад.Модарам ӯро дида оғӯш мекашиду аз сару рӯяш мебӯсид.
"- Оҳ бачаи дур аз чашми оча, дар ин як соли дароз чи қадар ёдат кардам,- сари Кабирро силла карда мегуфт модарам.Фарзанд чи хеле ки набошад, барои модар азиз аст.Баъд фаҳмидем, ки бародару янгаамонро ҳангоми тафтиш аз қаламрави Русия хориҷ карданд. Тирамоҳ Зоирҷони акаамон ҳамсарашро монда, боз ҳамроҳи ҷӯраҳояш ба Питер рафт.
- Оча, ғам махӯр, як сол кор карда, боз бо сари баланд ба наздат бармегардам, ҳамсарамро хуб нигоҳ кунед,- вақти рафтанаш гуфт Зоирҷон.
Пас аз ин духтари тағоям танҳо мондам гуфта хонаашон хабаргири рафт.
- Мон як ду ҳафта рафта ҳамроҳи падару модараш зиндаги кунад, ғубори дилаш тоза мешавад,- мегуфт модарам ба мо.
Кабир ду ҳафта бекор гашта, ҳамроҳи ҳамсояҳо ба хонасозӣ машғул гардид.Саҳар аз хона баромада, бегоҳи шалпару монда шуда ба хона меомад.Аз музди маоши меҳнатиаш анвои хуроквори харида ба хона меовард.Дар хона фақат ман бекор будам.
Як бегоҳи дар сари дастархон вақти хӯрок хурдан Кабир тарафам нигоҳ карда гуфт:
- Додар, мактабро низ хатм карди, ҳамин хел бекор мегарди, хаи ягон чо даромада кор кун, аз одами бекор, Худо ҳам безор аст,- тарафам нигоҳ карда гуфт бародарам.Дар пеши янгааму модарам аз забони бародарам шунидани чунин сухани нешдор ба ман сахт алам кард.
- Ако, ту чи гуфта истодаи, як моҳ кор карданатро нашуда, дар ҳаққи мани додарат, чунин гуфта истодаи, агар модарам набошад, ту маро аз хона пеш мекуни,- қаҳрам омада гуфтам ба ӯ.Модарам гуфтугӯи моро шунида, моро ба ифоқа овард:
- Бас кунед, айб аст, ҳамсояҳо шунида чи мегуянд?- модарам моро ором кардани шуд.
- Оча, ман пагоҳ рафта, аз ягон кас қарз гирифта, ба мардикори меравам,ин таънаю маломати бародарро бардошта наметавонам,- фаҳмондам ба модар.
Пагоҳи аз хоб хеста, ба бародари муҳоҷирам Зоирҷон, ки дар Питер буд, занг задам.
- Гӯш кун додар, аз ҳеҷ кас карз магир, ман ба воситаи бонк пулат мефиристонам, ба ҳавопаймо чипта харида, ба назди худам биё,- таъкид кард Зоирҷон.Маслиҳати додаи акаамро ба модарам гуфтам.Модарам ҳарчанд ба рафтанам рози набуд, маҷбураш кардам, рози шуд.
Зоирҷон пас аз дур рӯз ба ман маблағи роҳкиро фиристод.
- Ако, модарамро ба ту амонат месупорам, вайро хуб нигоҳубин кун, барои набудани мо ғам нахурад,- пеш аз муҳоҷират рафтан гуфтам ба Кабир
Рӯзи якшанбе чипта харида аз фурудгоҳи Душанбе шабона парвоз карда ба Русия рафтам.
( давом дорад)
Присоединяйтесь к ОК, чтобы подписаться на группу и комментировать публикации.
Комментарии 5
Бо эҳтиром муаллиф
Ташакур .