Амолии Тӯсӣ ба нақл аз Заҳҳок ибни Музоҳим: Аз Алӣ ибни Абутолиб (рз) шунидам, ки мефармуд: Абубакр ва Умар (р) назди ман омаданду гуфтанд: Кош назди Паёмбари Худо (с) биравию Фотимаро аз ӯ хостгорӣ кунӣ! Ман назди Паёмбар (с) рафтам. Вақте чашми Паёмбари Худо (с) ба ман афтод, хандиду фармуд: Эй Абулҳасан! Чаро омадаӣ ва чӣ кор дорӣ?
Ман аз хешовандиям ва пешқадамиям дар Ислом ва ёрӣ доданҳоям ба ӯ ва ҷиҳодҳоям барояш гуфтам.
Паёмбар (с) фармуд: Рост мегӯӣ, эй Алӣ! Ту аз он чӣ мегӯӣ, бартарӣ.
Гуфтам: Эй Паёмбари Худо! Фотимаро ба ҳамсарии ман медароварӣ?
Фармуд: Эй Алӣ! Пеш аз ту мардоне ӯро аз ман хостгорӣ карданд ва ман мавзӯъро бо Фотима дар миён ниҳодам, вале дар чеҳраи ӯ норизоятӣ дидам. Акнун сабр кун, то ин ки назди ту баргардам.
Пас, назди Фотима рафт. Фотима бархост ва ридои Паёмбар (с)-ро гирифту кафшҳояшро кашид ва барои эшон оби таҳорат оварду бо дастони худ, Паёмбар (с)-ро вузӯъ дод ва поҳояшро шусту сипас нишаст.
Паёмбар (с) ба ӯ фармуд: Фотима!
Фотима гуфт: Бале. Амратон чист? Эй Паёмбари Худо!
Паёмбар (с) фармуд: Алӣ ибни Абутолиб, касе аст, ки аз хешовандии ӯ ва кароматаш ва исломаш огоҳӣ дорӣ. Ман ҳам аз Парвардигорам хостаам, ки туро ба издивоҷи беҳтарину маҳбубтарин халқаш дароварад. Ҳоло ӯ аз ту хостгорӣ кардааст. Назарат чист?
Фотима (а) сукут карду рӯяшро барнагардонд ва Паёмбари Худо (с) дар чеҳраи ӯ норизоятӣ надид. Пас, Паёмбар (с) бархосту фармуд: Аллоҳу Акбар! Сукути ӯ нишонаи мувофиқати ӯст.
Пас, Ҷабраил (а) назди Паёмбари Худо (с) омаду гуфт: Эй Муҳаммад! Ӯро ба ҳамсарии Алӣ ибни Абутолиб даровар, зеро Худованд Фотимаро барои Алӣ ва Алиро барои Фотима писандидааст.
Пас, Паёмбари Худо (с) Фотимаро ба ҳамсарии ман даровард. Сипас наздам омаду дастамро гирифту фармуд: Бархез ба номи Худо ва бигӯ: Ба баракати Худо ва ҳар чӣ Худо хоҳад. Ҳеҷ қуввае нест, магар ба воситаи Худо. Бар Худо таваккул кардам.
Ва баъд аз он ки маро дар канори Фотима (рз) нишонд, паҳлўи ман омаду гуфт: Бор Худоё! Ин ду, маҳбубтарини халқ назди мананд. Пас ту низ ононро дӯст бидору ба фарзандонашон баракат деҳ ва барои ин ду аз ҷониби худат нигаҳбоне бигумор. Ман ин ду ва фарзандонашонро аз газанди шайтони рондашуда, дар паноҳи ту меоварам. https://www.khonavoda.com/?p=2219
Присоединяйтесь к ОК, чтобы подписаться на группу и комментировать публикации.
Комментарии 3
Барои чи Фотима (а) омадааст ҷои оне ки Фотима (р) биёяд
Ҳол он ки аз ҷинси зан паёмбар наомадааст ва паёмбари гиромиқадр Муҳаммад саллаллоҳу алайҳи ва саллам охирон паёмбар ҳастанд
Бинобар ин ишколе дар баёни ин масала нест.
Саломат бошед