Предыдущая публикация
Сен деп жазып арман, сүйүү ырларын,
Сага айтып көңүл, жүрөк сырларын.
Сенден тартып махабаттын азабын,
Сенден көрдүм махабаттын жыргалын.
Кээде күлүп, сен деп кээде ыйладым.
Көңүл ачык, а бирде мен сыздадым.
Кээ бир күнү көөдөнүмө бекилсең,
Кээ бир күнү көкүрөккө сыйбадың.
Бирде үшүткөн жамгыр болуп төгүлдүң,
Балкып денем, кээде жыргап көшүлдүм.
Бир мезгилде жакын болуп элесиң,
Бирде болсо тээ алыстан көрүндүң.
Кээде токтойм, кээде басам арыштап,
Качан жетем? Бараар жерим алыс жак.
Ооруганда жөлөк болуп жанымда,
Айыкканда кеттиң менден алыстап.
Автор: Жыргалбек Усенов. 16.07.2024
13:32 Москва
Присоединяйтесь к ОК, чтобы подписаться на группу и комментировать публикации.
Нет комментариев