ҒАЗАЛ...![📖](https://st.mycdn.me/static/emoji/14-0-0/20/1f4d6@2x.png)
Донӣ, ки чӣ баъд аз ту ба кошонаи дил монд?
Бо атри ту андӯҳи ту дар хонаи дил монд.
Атри ту ба бозомаданат дод гувоҳӣ,
Уммед ба пушти дари вайронаи дил монд.
Ҳарчанд ки симурғ шудӣ, бол кушодӣ,
Сад шукр, ки як пар зи ту дар лонаи дил монд.
То ёд кунам аз туву аз ончи ба сар рафт,
Як умр сари ман ба сари шонаи дил монд.
Чун қиссаи ту бо дили ман рафт, на бо ман,
Афсонаи ман тай шуду афсонаи дил монд.
Дар ҷайби сари синаи ман то ба қиёмат
Чун сарвати бемисли ту дурдонаи дил монд.
Девонаи дил ҳеҷ гаҳ аз ишқ нагардад,
Давлат нафаре ҳаст, ки девонаи дил монд.
Комментарии 1