• Ապրիր այնպես, ինչպես դու ես ցանկանում, ինչպես ճիշտ ես գտնում, քանի որ վայրէջքներիդ միայն ինքդ ես մնալու քեզ հետ, վերելքներիդ միայն ինքդ ես հասնելու մենակ։• Հասարակության կարծիքը ոչինչ է կյանքիդ կարեւորագույն որոշումները կայացնելու համար, որովհետեւ երբ դժբախտ լինես, հասարակությունը ցավդ չի տանելու եւ մեծ հաշվով, կներեք բառիս համար, հասարակությունը թքած ունի քո ցավի վրա… քեզ միշտ սիրելու են անհատները, պաշպանելու են ամենահարազատները, դե նայած ում ինչ է տրված։• Ապրիր առանց ներսում պարտադրանքների , քեզ ոչ ոք ոչինչ պարտավոր չէ, նույնիսկ սեփական երեխան։ Մարդը պիտի սրտով ցանկանա ինչ -որ բան անել քեզ համար։ Պարտադրելով հարգանք չեն տածում, պարտադրելով՝ սեր չի ծնվում։• Ընդունիր մարդկանց, ընդունիր բոլորին, նրանք ԱՄԲՈՂՋԻ մի մասնիկն են, բայց միշտ շփվիր քո վիբրացիայի մարդկանց հետ, եղիր միայն այնտեղ, որտեղ դու ընդունված ես, եւ հեռացիր այնտեղից, որտեղ անհարգալից էներգիա է գալիս դեպի քեզ։ Չհարգանքը հաճախ բառերի մեջ չէ, այլ հայացքի, էներգիայի, հեռացիր այն վայրից, որտեղ քեզ վատ ես զգում։ Դու պարտավոր չես «մահանալ » հանուն ինչ -որ մեկը խնջույքի, եթե ինչ -որ բան սպանում է քեզ, մի արա։• Մի դատիր մարդու անձնական կյանքը, դա տգիտության նշան է, դա մարդու նեղ անձնականն է, եւ դա միայն իր գործն է։• Մի դատիր ուրիշի երեխայի արարքը, դու վաղվա օր ունես եւ ապագա, մտածիր այդ մասին։ Չգիտես ինչ կլինի վաղը քեզ հետ։• Մի դատիր լույս տվող մարդկանց, առաջնորդներին, սրբերին, լույսի կրողին դատելը վնասելու է Ձեզ, նրանք միշտ են պաշտպանված վերին ուժերի կողմից։• Մի պղծիր նույնիսկ թշնամուդ սրբավայրը, սրբավայրը «ԿՌՎԻՑ » դուրս կառույց է, որտեղ մարդիկ Աստծուն են փնտրում։•Մի հպարտացիր քո նյութով ու առարկայական ձեռքբերումներով, դրանք ձեռքբերումներ չեն, ձեռքբերումը լավ ընկերներն են ու քո իմաստության մակարդակն ու հոգու ներդաշնակությունը։• Մի ասա ես «ԴԵՄՔ ԵՄ» … քո դեմք լինելու մասին պիտի խոսես ոչ թե դու, այլ նրանք ում փրկել ես… օգնել ես… ով զգացել է գոյությանդ գեղեցկությունը։
Нет комментариев