Предыдущая публикация
Ողջո՜ւյն քեզ, իմ սե'ր, դու` իմ մեծ աշխարհ, քեզ եմ գալիս, տե'ս,
Ջերմ ու մեծ սիրով մտնում եմ սիրուտ դարպասներից ներս,
Ոչինչ չեմ ուզում իմ սիրո դիմաց` մաքուր ու անկեղծ,
Իմ հանդեպ եղիր ջե՜րմ ու սիրալիր և եղիր անկեղծ...
Թույլ տուր ես մտնեմ սիրուդ աշխարհը այն գարունոտված,
Որպես մի ալ վարդ` աճեմ ու ծաղկեմ և լինեմ սիրված,
Արև ժպիտով թերթերս համբուրես ու ինձ ժպիտ տաս,
Որ ես հասկանամ` իմ արևն ես դու, ինձ միշտ լույս կտաս։
Կբացեմ սիրտս ամբողջ մերկությամբ և ցույց կտամ քեզ,
Որ տեսնես սիրտս լցված է քեզնով` այնտեղ լոկ դու' ես,
Սիրախաղ չկա. մեղք է քո առջև սիրախաղ անել,
Դու այն մեծ սերն ես` այն մաքրությունը , միտքն անելանել...
Սերս մաքուր է, իսկ նվիրումս` անբասի'ր, անկե'ղծ,
Դու էլ միշտ մնա ինձ նման մաքուր , ինձ նման անկեղծ,
Որ իմ հավատը երբեք չկորի քո սիրո հանդեպ,
Որ բոլորի մոտ մի՜շտ հպարտ լինեմ ու մնամ անթեք...
Следующая публикация
Нет комментариев