Калыска
"Баю-баю, люлі-люлі,
Спі, дзіцятка, усе паснулі",-
Пэўна так матуля спявала,
Калі нас, малых,калыхала.
У калысцы просценькай, драўлянай,
Так старанна бацькам змайстраванай,
На пасцельцы з травамі духмянымі
Добра спалася пад песні маміны.
Час ішоў, і дзеткі падрасталі,
Калыханкі ж ля калыскі не сціхалі,
Для суседскіх немаўлят, для ўнукаў,
Бо хадзіла калыбелька з рук у рукі.
І ўбірала ў сябе калыска
Смех дзіцячы, ласку мацярынску.
Ноччу дзеткам сны аберагала,
Калыханачкі запамінала.
"Баю - баю, люлі- люлі,
Спі, дзіцятка, усе паснулі",
Маладая маці ціха так спявае,
У прадзедавай калысцы дачушку люляе.
Нет комментариев