2023 yilning ayni jaziramasi. Shomdan keyin harorat sal pasayadi. Aksariyat odamlar bu vaqtda salqin havodan nafas olgani chiqishadi. Murod esa boshqa niyatda ko‘chaga yo‘l oldi. Chilonzor metro bekati oldida kuymalana-kuymalana, daraxtlar soyasida “Redmi Note 10” uyali telefonida gaplashib turgan Jo‘raboyning oldida o‘ralasha boshladi. U suhbatini tugatishi bilanoq ochiqdan ochiq talonchilik yo‘liga o‘tib, qo‘lidan telefonni tortib oldi. Afandi bog‘da o‘g‘irlik qilib qo‘lga tushgach, nega o‘g‘irlik qilding, deb so‘ragan bog‘ egasiga “nega xotiningga kavush olib bermading”, deganidek, hech narsadan xabari yo‘q odamga “nega menga hurmatsizlik qilding”, deya ikki-uch marta yuziga shapaloq tortdi. Jabrlanuvchining telefonini qaytarish haqidagi so‘rovlariga pul bersa, qaytarishini aytdi. Jo‘raboy yonida pul yo‘qligini aytganda, telefon apparatiga o‘rnatilgan ilova orqali plastik kartasi hisobida 1 317 000 so‘m borligidan xabar topib, pulni o‘tkazib bermasa kimlarnidir, qayerlardadir ko‘rishini shaʼma qilib qo‘rqita boshladi. Kaltak yeb, mayib bo‘lib qolishdan qo‘rqqan Jo‘raboy, dastlab 550 ming so‘m so‘ngra uning tazyiqi ostida yana 70 ming so‘m pul o‘tkazishga majbur bo‘ldi. Murod qilgan ishidan mamnun holda, telefonni egasining basharasiga irg‘itgancha tun qaʼriga sho‘ng‘idi. Jo‘raboy fursatni boy bermay, Chilonzor tumani ichki ishlar idoralariga murojaat qildi.
– Ikki nafar farzandli, yoshi qirqlarga yaqinlashgan Murodning to‘rt marotaba sudlanishiga qaramay, tegishli xulosa chiqarmagani achinarli holdir, – deydi Chilonzor tumani IIO FMB huzuridagi Tergov bo‘limi katta tergovchisi, mayor Kamoliddin Narziyev. – Farzandlari, oilasi uchun naqadar uyatli holat. Qolaversa, qo‘ni-qo‘shni, yaqinlaridan ham. Ammo jinoyatga moyil, belini bukmay pul topishni niyat qilgan odamdan nimani kutish mumkin?!
Jinoyat ishlari bo‘yicha Chilonzor tumani sudi tomonidan O‘zbekiston Respublikasi Jinoyat kodeksining 165-moddasi bilan ayblangan Murodga to‘rt yil ozodlikdan mahrum qilish jazosi tayinlandi. Endi u farzandlari tarbiyasi bilan shug‘ullanish o‘rniga, o‘zini tarbiyalashiga to‘g‘ri keladi.
👉 Очиқча товламачилик
2023 йилнинг айни жазирамаси. Шомдан кейин ҳарорат сал пасаяди. Аксарият одамлар бу вақтда салқин ҳаводан нафас олгани чиқишади. Мурод эса бошқа ниятда кўчага йўл олди. Чилонзор метро бекати олдида куймалана-куймалана, дарахтлар соясида “Redmi Note 10” уяли телефонида гаплашиб турган Жўрабойнинг олдида ўралаша бошлади. У суҳбатини тугатиши биланоқ очиқдан очиқ талончилик йўлига ўтиб, қўлидан телефонни тортиб олди. Афанди боғда ўғирлик қилиб қўлга тушгач, нега ўғирлик қилдинг, деб сўраган боғ эгасига “нега хотинингга кавуш олиб бермадинг”, деганидек, ҳеч нарсадан хабари йўқ одамга “нега менга ҳурматсизлик қилдинг”, дея икки-уч марта юзига шапалоқ тортди. Жабрланувчининг телефонини қайтариш ҳақидаги сўровларига пул берса, қайтаришини айтди. Жўрабой ёнида пул йўқлигини айтганда, телефон аппаратига ўрнатилган илова орқали пластик картаси ҳисобида 1 317 000 сўм борлигидан хабар топиб, пулни ўтказиб бермаса кимларнидир, қаерлардадир кўришини шаъма қилиб қўрқита бошлади. Калтак еб, майиб бўлиб қолишдан қўрққан Жўрабой, дастлаб 550 минг сўм сўнгра унинг тазйиқи остида яна 70 минг сўм пул ўтказишга мажбур бўлди. Мурод қилган ишидан мамнун ҳолда, телефонни эгасининг башарасига ирғитганча тун қаърига шўнғиди. Жўрабой фурсатни бой бермай, Чилонзор тумани ички ишлар идораларига мурожаат қилди.
– Икки нафар фарзандли, ёши қирқларга яқинлашган Муроднинг тўрт маротаба судланишига қарамай, тегишли хулоса чиқармагани ачинарли ҳолдир, – дейди Чилонзор тумани ИИО ФМБ ҳузуридаги Тергов бўлими катта терговчиси, майор Камолиддин Нарзиев. – Фарзандлари, оиласи учун нақадар уятли ҳолат. Қолаверса, қўни-қўшни, яқинларидан ҳам. Аммо жиноятга мойил, белини букмай пул топишни ният қилган одамдан нимани кутиш мумкин?!
Жиноят ишлари бўйича Чилонзор тумани суди томонидан Ўзбекистон Республикаси Жиноят кодексининг 165-моддаси билан айбланган Муродга тўрт йил озодликдан маҳрум қилиш жазоси тайинланди. Энди у фарзандлари тарбияси билан шуғулланиш ўрнига, ўзини тарбиялашига тўғри келади.
Присоединяйтесь к ОК, чтобы подписаться на группу и комментировать публикации.
Нет комментариев