Baʼzilarga hayron qolasan. O‘ylamay-netmay qonunni buzishadi, keyin qonunga zid xatti-harakatini noqonuniy yo‘llar bilan “qonuniylashtirmoqchi” bo‘lishadi. Aslida bir ishga qo‘l urishdan avval uning qanchalik to‘g‘ri, qonuniy ekanligini bilish kerak emasmi?! Shavkat ham e yo‘q, be yo‘q 22 tonna yog‘ mahsulotlarini Respublikamizga olib kirishni maqsad qildi. Biroq Toshkent tumani hududidagi bojxona postida tegishli hujjatlari bo‘lmagan mahsulot to‘xtatildi. U zir yugurib mahsulotini qonuniylashtirish harakatiga tushdi. Shunday do‘ppisi tor kelgan, moli bilan qo‘shilib, puli ham kuyib ketay deb turgan tig‘iz paytda yaqin tanishi Murodxo‘jani uchratib qoldi. Bu 2022 yilning oktyabr oyi edi.
– Shoshilib qayoqqa ketyapsan? – so‘radi Murodxo‘ja Shavkatdan.
– O‘n besh kun bo‘ldiki, molimni chegaradan o‘tkaza olmayapman, – nolidi Shavkat.
Gap-gapga ulanib, Murodxo‘ja bitmaydigan ish yo‘qligini, agar harajatdan qochmasa, buning imkoni borligini aytdi. Bojxonada tanishi ishlashini, istasa yordam berishini taʼkidladi. Bir hafta ichida muammosi hal bo‘lishidan xursand bo‘lgan Shavkat o‘sha kuniyoq kechga borib 2.400 AQSH dollarini “najotkoriga” tutqazdi.
Ikki kun o‘tib 37.700.000 so‘m, jami 6.000 AQSH dollarini Murodxo‘jaga berib mahsulotlarini olish kunini kuta boshladi. Lekin Murodxo‘ja suvga tushgan toshdek daraksiz ketdi. Shavkat tanishidan bunday munosabatni kutmagani bois, hadeganda ichki ishlarga murojaat qilishga shoshilmadi. Ammo uning ilgari ham kimlarnidir aldab, pullarga chuv tushirgani haqida xabar topgach, tuman ichki ishlariga murojaat qildi.
– O‘ttiz yoshdan oshgan, oliy maʼlumotli, oilali, ilgari bir necha marotaba sudlangan Murodxo‘janing o‘z tanishini chuv tushirishi mo‘may pul topish dardida hech kimni, hatto yaqin tanishini ham ayamasligi, uning zalolat botqog‘iga botganidan darak beradi, – deydi Yakkasaroy tumani IIO FMB huzuridagi Tergov bo‘limi tergovchisi, katta leytenant E.Ziyabekov. – Odamning olasi ichida deganlaridek, Shavkat ham tanishining sirtiga qarab baho berib, aldashi mumkinligi haqida o‘ylamagan ham. Aslida sodda odamlar boshqalarni ham shunday deb o‘ylashadi.
Jinoyat ishlari bo‘yicha Yakkasaroy tumani sudi tomonidan Murodxo‘ja O‘zbekiston Respublikasi Jinoyat kodeksining 168-moddasi (“Firibgarlik”) bilan aybli deb topildi. U tomonidan yetkazilgan moddiy zarar qoplanganligi inobatga olinib, ish haqining 20 foizini davlat daromadi hisobiga ushlab qolgan holda, 2 yilu 6 oyga axloq tuzatish ishlari jazosi tayinlandi.
👉 Танишининг танишига ишониб
Баъзиларга ҳайрон қоласан. Ўйламай-нетмай қонунни бузишади, кейин қонунга зид хатти-ҳаракатини ноқонуний йўллар билан “қонунийлаштирмоқчи” бўлишади. Аслида бир ишга қўл уришдан аввал унинг қанчалик тўғри, қонуний эканлигини билиш керак эмасми?! Шавкат ҳам э йўқ, бе йўқ 22 тонна ёғ маҳсулотларини Республикамизга олиб киришни мақсад қилди. Бироқ Тошкент тумани ҳудудидаги божхона постида тегишли ҳужжатлари бўлмаган маҳсулот тўхтатилди. У зир югуриб маҳсулотини қонунийлаштириш ҳаракатига тушди. Шундай дўпписи тор келган, моли билан қўшилиб, пули ҳам куйиб кетай деб турган тиғиз пайтда яқин таниши Муродхўжани учратиб қолди. Бу 2022 йилнинг октябрь ойи эди.
– Шошилиб қаёққа кетяпсан? – сўради Муродхўжа Шавкатдан.
– Ўн беш кун бўлдики, молимни чегарадан ўтказа олмаяпман, – нолиди Шавкат.
Гап-гапга уланиб, Муродхўжа битмайдиган иш йўқлигини, агар ҳаражатдан қочмаса, бунинг имкони борлигини айтди. Божхонада таниши ишлашини, истаса ёрдам беришини таъкидлади. Бир ҳафта ичида муаммоси ҳал бўлишидан хурсанд бўлган Шавкат ўша куниёқ кечга бориб 2.400 АҚШ долларини “нажоткорига” тутқазди.
Икки кун ўтиб 37.700.000 сўм, жами 6.000 АҚШ долларини Муродхўжага бериб маҳсулотларини олиш кунини кута бошлади. Лекин Муродхўжа сувга тушган тошдек дараксиз кетди. Шавкат танишидан бундай муносабатни кутмагани боис, ҳадеганда ички ишларга мурожаат қилишга шошилмади. Аммо унинг илгари ҳам кимларнидир алдаб, пулларга чув туширгани ҳақида хабар топгач, туман ички ишларига мурожаат қилди.
– Ўттиз ёшдан ошган, олий маълумотли, оилали, илгари бир неча маротаба судланган Муродхўжанинг ўз танишини чув тушириши мўмай пул топиш дардида ҳеч кимни, ҳатто яқин танишини ҳам аямаслиги, унинг залолат ботқоғига ботганидан дарак беради, – дейди Яккасарой тумани ИИО ФМБ ҳузуридаги Тергов бўлими терговчиси, катта лейтенант Э.Зиябеков. – Одамнинг оласи ичида деганларидек, Шавкат ҳам танишининг сиртига қараб баҳо бериб, алдаши мумкинлиги ҳақида ўйламаган ҳам. Аслида содда одамлар бошқаларни ҳам шундай деб ўйлашади.
Жиноят ишлари бўйича Яккасарой тумани суди томонидан Муродхўжа Ўзбекистон Республикаси Жиноят кодексининг 168-моддаси (“Фирибгарлик”) билан айбли деб топилди. У томонидан етказилган моддий зарар қопланганлиги инобатга олиниб, иш ҳақининг 20 фоизини давлат даромади ҳисобига ушлаб қолган ҳолда, 2 йилу 6 ойга ахлоқ тузатиш ишлари жазоси тайинланди.
https://president.uz/uz/lists/view/7477 —
...Присоединяйтесь к ОК, чтобы подписаться на группу и комментировать публикации.
Нет комментариев