» «Мана кирлĕ!» — теттĕм. Çакна эпĕ чунпа туяттăм. Хамăн çĕр çинчи миссие ăнлантăм: эпĕ — чăваш культурине кулленхи тум урлă аталантарма килнĕ çын. Çи-пуçа чăваш тĕррипе, капăрлăхĕпе тĕлли-паллисĕр илемлетместĕп. Пĕлсе те тĕрĕс пурнăçлама тăрăшатăп ку ĕçе. Нумай вуларăм, тĕпчерĕм. Тепĕр чухне чун ыйтнă пек вырнаçтаратăп та куравсенче историксем, специалистсем тиркесрен аванмарланатăп. Чиперех иккен. Малтанах пĕлмесĕр тунă йăнăшсем пулнă. Модельсене кăтартмашкăн сăн ӳкерчĕксемпе видео ӳкернĕ чухне «кĕскĕ» эрешлĕ тума каччăсене тăхăнтартнишĕн халĕ те намăс. «Кĕскĕ» — хĕрарăм эрешĕ. Халĕ ман пата лавккана унпа илемлетнĕ çи-пуçа арçын туянма килсен те ăна сутмастăп. Вăл япала хуçине хĕрарăм вăйне парать. Йĕркене пăсса ăна арçынна сутрăм тăк йĕркеллĕ те çывăраймастăп вара. Кайран унран ку хĕрарăм эрешĕ тесе кулчĕç тĕк? Япала çинче манăн логотип пур. Апла явапне те манăнах тытмалла», - тет хальхи вăхăтри этно чăваш тумне пуçарса яраканĕсенчен пĕри Екатерина Малинина.
Тĕплĕнрех – «Çамрăксен хаçатĕнче» (15.08.2024)
Присоединяйтесь к ОК, чтобы подписаться на группу и комментировать публикации.
Нет комментариев