«Алексей контракчĕ вĕçленнĕ хыççăн киле таврăнчĕ. Ваня аллине, кăкăр шăммине амантнăччĕ. Мускаври госпитальте 3 уйăх выртрĕ. 3 хутчен операци чăтса ирттерчĕ. Сипленме уйăхлăха санаторие те кайса килчĕ. Унтан каллех СВОна çул тытрĕ. Отпуска пĕр хут, 10 кунлăха килсе кайрĕ. «Тĕрлĕ наци çынни пур. Туслă, пĕр-пĕрне пулăшса пурăнатпăр», — каласа кăтартать ывăлăм. Чипер çаврăнса килччĕр каччăсем. Шăнкăравласан: «Анне, ăшă тăхăн. Выçă ан çӳре», — тесе калать. «Эсĕ вырăсланман-ха, чăвашла хитрех калаçатăн», — хавхалантаратăп Ваньăна», - терĕ хĕрарăм.
Иван отпуска килсен Патăрьел шкулĕнче Паттăрлăх урокĕ ирттернĕ. «Çар çынни пуласси — пысăк хисеп», — пуçланă сăмахне Ваня. Шкул ачисене сывлăх, лайăх вĕренме, çирĕп туслăх суннă хыççăн: «Çĕршыва хӳтĕлемелли професси пур», — тенĕ «Офицеры» фильмри евĕр. Иван Павлов хăй çĕршыва юрăхлă пулнишĕн хĕпĕртет. Ăна «Паттăрлăхшăн» тата Жуков медалĕсемпе чысланă. СВОра пулнă пиччĕшĕн Лешăн та çак наградăсем пур.
(«Чăваш хĕрарăмĕ». 18.07.2024)
Присоединяйтесь к ОК, чтобы подписаться на группу и комментировать публикации.
Комментарии 5